நாமக்கலில் 1.40 கோடி ரூபாய்க்கும் ஏலம் போன பருத்தி

மாதிரிப் படம்

ஆர்.சி.எச். ரக பருத்தி குவிண்டால் ஒன்றுக்கு ரூ.9,000 முதல் ரூ.11,899 வரையில் ஏலம் போனது.

News18 Tamil
1 minute read
Last Updated : August 18, 2022, 16:40 IST

நாமக்கலில் நேற்றைக்கு முந்தைய தினம் நடந்த ஏலத்தில், 1.40 கோடி ரூபாய்க்கு பருத்தி ஏலம் நடந்தது. இதை சுற்றுவட்டார பகுதிகளை சேர்ந்த வியாரிகளும், வெளியூர் வியாபாரிகளும் ஏலம் கேட்டனர்.

நாமக்கல் வேளாண்மை உற்பத்தியாளர்கள் கூட்டுறவு விற்பனை சங்க வளாகத்தில் செவ்வாய்க்கிழமை தோறும் பருத்தி ஏலம் நடக்கிறது.

ஏலத்துக்கு நாமக்கல், நாமகிரிப்பேட்டை, ராசிபுரம், வேலகவுண்டம்பட்டி, புதுச்சத்திரம், எருமப்பட்டி, பவித்திரம், சேந்தமங்கலம் என மாவட்டத்தின் பல்வேறு பகுதிகளில் இருந்தும், அண்டை மாவட்டங்களில் இருந்தும் விவசாயிகள் 3,800 மூட்டை பருத்தியை விற்பனைக்கு கொண்டு வந்து இருந்தனர்.

ஆர்.சி.எச். ரக பருத்தி குவிண்டால் ஒன்றுக்கு ரூ.9,000 முதல் ரூ.11,899 வரையிலும், சுரபி ரக பருத்தி குவிண்டால் ஒன்றுக்கு 10,689 ரூபாய் முதல் ரூ.12,169 வரையிலும், கொட்டு ரக பருத்தி குவிண்டால் ஒன்றுக்கு ரூ.3,016 முதல் ரூ.9,917 வரையிலும் ஏலம் போனது.

மொத்தம் 1.40 கோடி ரூபாய்க்கு பருத்தி விற்பனையானது. இந்த பருத்தி மூட்டைகளை திருப்பூர், திண்டுக்கல், தேனி, சேலம், கொங்கணாபுரம், கோவை, அவினாசி உள்ளிட்ட பகுதிகளில் இருந்து வந்த வியாபாரிகள் வாங்கி சென்றனர்.

உங்கள் நகரத்திலிருந்து(நாமக்கல்)

நாமக்கல்

Published by:Karthick S

First published: August 18, 2022, 16:31 IST

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.

Tags: Local News, Namakkal

namakkal