தினந்தோறும் 40 லட்சம் முட்டை ஏற்றுமதி.. நாமக்கல் கோழி முட்டை ஏற்றுமதியாளர் தகவல்!

தினந்தோறும் 6 கோடி முட்டைகளை உற்பத்தி செய்யும் நாமக்கல் மண்டலத்தில் இருந்து, தினந்தோறும் 40 லட்சம் முட்டை ஏற்றுமதி செய்யப்படுவதாக நாமக்கல் கோழி முட்டை ஏற்றுமதியாளர் தெரிவித்துள்ளார்.

6 கோடி முட்டைகளை தினமும் உற்பத்தி செய்யும் நாமக்கல் மண்டலம்தேசிய அளவில், கோழி முட்டை உற்பத்தியில், நாமக்கல் மண்டலம் தனி சிறப்பு பெற்றுள்ளது. அதன்படி, முட்டை உற்பத்தியில் நாமக்கல் மண்டலம் இந்தியாவில் 2வது இடத்தில் உள்ளது. தமிழகத்தின் ஒட்டு மொத்த முட்டை உற்பத்தியில் நாமக்கல் மண்டலம் 90 ‌விழு‌க்கா‌ட்டை பூ‌ர்‌த்‌தி செய்கிறது.

நாமக்கல் முட்டைகள்

நாமக்கல், பண்ணைகளில் வளர்க்கப்படும், 5 கோடி கோழிகள் மூலம், தினமும் 6 கோடி முட்டை உற்பத்தி செய்யப்படுகிறது. இதில், தமிழகம், கேரளா, புதுச்சேரி மற்றும் வட மாநிலங்களுக்கு விற்பனை செய்தது போக, மீதமுள்ள முட்டைகள் வெளிநாடுகளுக்கும் ஏற்றுமதி செய்யப்படுகிறது.

அதன்படி ஓமன், கத்தார் ,பேக்கரின், மாலத்தீவு, ஸ்ரீலங்கா, போன்ற நாடுகளுக்கு தொடச்சியாக ஏற்றுமதி செய்யப்படுகின்றன. மேலும் தமிழக அரசின் சத்துணவு திட்டத்திற்கும் முட்டைகள் அனுப்பப்பட்டு வருகின்றன. நாமக்கல்லில் முட்டை விலையை தேசிய முட்டை ஒருங்கிணைப்பு குழு‌ நிர்ணயித்து வருகிறது. வாரத்திற்கு 3 நாட்கள் பண்ணையாளர்கள் மற்றும் வியாபாரிகள் ஆகியோர் அடங்கிய குழு தினசரி முட்டை விலையை நிர்ணயித்து வருகிறது.

உங்கள் ஊர் செய்திகளை வீடியோவாக பெற கிளிக் செய்க

இந்நிலையில், தினந்தோறும் 40 லட்சம் முட்டை ஏற்றுமதி செய்யப்படுவதாக நாமக்கல் மாவட்டத்தை சேர்ந்த முட்டை ஏற்றுமதியாளர் தெரிவித்துள்ளார்.