ஹோம் /நாமக்கல் /

திருச்செங்கோட்டில் கோழி பிடிக்கும் வித்தியாசமான ஜல்லிக்கட்டு..

திருச்செங்கோட்டில் கோழி பிடிக்கும் வித்தியாசமான ஜல்லிக்கட்டு..

X
திருச்செங்கோடு

திருச்செங்கோடு

Kozhi Jallikattu | திருச்செங்கோடு நந்தவனம் தெரு பகுதியில் ஆண்டுதோறும் கோழியை பிடிக்கும் ஜல்லிக்கட்டு போட்டிகள் நடத்தப்படுவது வழக்கம்.

  • News18 Tamil
  • 2 minute read
  • Last Updated :
  • Namakkal, India

திருச்செங்கோடு நந்தவனம் தெரு பகுதியில் ஆண்டுதோறும் கோழியை பிடிக்கும் ஜல்லிக்கட்டு போட்டிகள் நடத்தப்படுவது வழக்கம். ஆண்கள் மட்டுமே கலந்து கொண்டு ஜல்லிக்கட்டு போட்டிகளில் காளைகளை அடக்கி வருகின்றனர். பெண்கள் ஜல்லிக்கட்டு போட்டிகளில் கலந்துகொள்ள முடியாது என்பதால் பெண்கள் மற்றும் குழந்தைகள் ஒரு திடலில் வட்டம் வரைந்து அதன் நடுவே போட்டியாளரை நிற்க வைப்பார்கள். போட்டியாளரின் கண்கள் கட்டப்பட்டு அவரது ஒரு காலில் கயிறு கட்டப்படும். அந்த கயிறின் மற்றொரு முனை கோழியின் ஒரு காலில் கட்டப்படும் வட்டத்தை தாண்டாமல் போட்டியாளர் கோழியை பிடிக்க வேண்டும் என்பதே விதிமுறை.

குறிப்பிட்ட நேர அளவிற்குள் கோழியை பிடிக்க வேண்டும் என்பதும் கோழியை பிடிக்கச்செல்லும்போது வட்டத்தை தாண்டி சென்று விட்டாலோ அல்லது குறிப்பிட்ட நேரத்திற்குள் கோழியை பிடிக்க முடியாமல் இருந்தாலோ அவர்கள் தோல்வி அடைந்ததாக கருதப்படுவார்கள். குறிப்பிட்ட கால அளவுக்குள் வட்டத்தை தாண்டாமல் கோழி பிடிப்பவர்கள் வெற்றியாளர்களாக கருதப்படுவார்கள். இந்த போட்டியில் குழந்தைகள் பெண்கள் என பலரும் கலந்து கொண்டு கோழியை பிடித்தனர். மாடுகளை பிடிப்பது ஜல்லிக்கட்டு போட்டி என்றால் கோழியை பிடிப்பது நவீன ஜல்லிக்கட்டு போட்டியாகும். இந்த போட்டிக்கு திருச்செங்கோடு பகுதியில் பெரும் வரவேற்பு ஏற்பட்டுள்ளது.

கடந்த 3 ஆண்டுகளாக கொரோனா கெடுபிடிகளால் இந்த போட்டிகள் நடைபெறாமல் இருந்த நிலையில் தற்போது மீண்டும் விளையாட்டு கலைகட்ட தொடங்கியுள்ளது வீரத்திற்கு ஜல்லிக்கட்டு போட்டி என்றால் விவேகத்திற்கு நவீன ஜல்லிக்கட்டு போட்டி என்றால் மிகை இல்லை. இதுகுறித்து அப்பகுதியினர் கூறும்போது, “ஆண்கள் மட்டுமே ஜல்லிக்கட்டு போட்டிகளில் கலந்துகொண்டு காளையை அடக்கி வரும் நிலையில் பெண்கள், குழந்தைகள் என நாங்களும் ஜல்லிக்கட்டு போட்டிகளில் பார்வையாளர்களாக மட்டுமில்லாமல் எங்களால் முடிந்த வகையில் இந்த நவீன ஜல்லிக்கட்டு போட்டியை நடத்தி வருகிறோம்.

உங்கள் ஊர் செய்திகளை வீடியோவாக பெற கிளிக் செய்க

எங்களது பகுதியில் நவீன ஜல்லிக்கட்டு போட்டிகள் நடைபெற்று வருகிறது. இது எப்படி என்றால் ஒரு வட்டத்தை வரைந்து அதற்குள் போட்டியாளர்களை நிறுத்தி விடுவார்கள் போட்டியாளரின் பெண்கள் கட்டப்பட்டு காலில் கயிற்றின் ஒரு முனை கட்டப்படும் ஒரு முனை கோழியின் ஒரு காலில் கட்டப்படும். கண்கள் கட்டப்பட்ட நிலையில் போட்டியாளர் வட்டத்தை தாண்டாமல் கோழியை பிடிக்க வேண்டும் என்பது விதி. இந்த போட்டியில் பெண்கள், குழந்தைகள் என பலரும் கலந்துகொண்டு விளையாடி வருகிறோம். இது மிகவும் மகிழ்ச்சிக்குரிய ஒன்றாகும்” என்று கூறினர்.

First published:

Tags: Local News, Namakkal