மதுரை மக்களுக்கு குட்நீயூஸ் சொன்ன ரயில்வே.. வரும் 17ஆம் தேதி முதல் சிறப்பு ரயில்!

தெலங்கானா மாநிலம் கச்சிகுடா பகுதியில் இருந்து திருப்பதி, காட்பாடி, திருவண்ணாமலை, விழுப்புரம் மற்றும் திருச்சி வழியாக மதுரைக்கு வாராந்திர சிறப்பு ரயில் வரும் 17ஆம் தேதி முதல் இயக்கப்பட இருப்பதாகமதுரை தென்னக ரயில்வே அறிவித்துள்ளது.

அதன்படி, கச்சிகுடா ரயில் நிலையத்தில் இருந்து திங்கள்கிழமை இரவு 8.50 மணிக்கு புறப்பட்டு குண்டூர், ஓங்கோல், நெல்லூர் வழியாக திருப்பதியை செவ்வாய் கிழமை காலை 10 மணிக்கு வந்தடையும். பின்னர், திருப்பதியில் இருந்து காலை 10.05 மணிக்கு புறப்பட்டு சித்தூர் முற்பகல் 11.20 மணிக்கும், காட்பாடி பகல் 2.15 மணிக்கும், திருவண்ணாமலை பிற்பகல் 2.18 மணிக்கும், விழுப்புரம் பிற்பகல் 3.30 மணிக்கும், விருத்தாசலம் மாலை 4.15 மணிக்கு, ஸ்ரீரங்கம் மாலை 5.35 மணிக்கும், திருச்சி மாலை 6.15 மணிக்கும் திண்டுக்கல் இரவு 7.15 மணி வழியாக மதுரை ரயில் நிலையத்தை இரவு 8.45 மணிக்கும் வந்தடையும்.

இதனைத் தொடர்ந்து, மதுரையில் இருந்து புதன்கிழமை அதிகாலை 5.30 மணிக்கு ரயில் புறப்படுகிறது. திண்டுக்கல் காலை 6.25 மணிக்கும் , திருச்சி காலை 8.05 மணிக்கும் ஸ்ரீரங்கம் காலை 8.25 மணிக்கும், விருத்தாசலம் காலை 9.50 மணிக்கு, விழுப்புரம் காலை 10.35 மணிக்கு ,திருவண்ணாமலை முற்பகல் 11.55 மணிக்கும், காட்பாடி பகல் 1.35 மணிக்கும், ,சித்தூர் பிற்பகல் 2.15 மணி வழியாக திருப்பதி ரயில் நிலையத்தை மாலை 4.35 மணிக்கு சென்றடையும்.

பின்னர் திருப்பதில் இருந்து மாலை 4.40 மணிக்கு புறப்பட்டு ரேணிகுண்டா, நெல்லூர், ஓங்கோல், குண்டூர் வழியாக கச்சிகுடா ரயில் நிலையத்தை வியாழன் கிழமை காலை 7.05 மணிக்கு சென்றடையும் .

கச்சிகுடா முதல் மதுரை வரை 21 நிலையங்களில் வாராந்திர சிறப்பு ரயில் நிறுத்தப்பட உள்ளது. முதற்கட்டமாக, கச்சிகுடாவில் இருந்து ஏப்ரல் 17ஆம் தேதி முதல் ஜுன் 26ஆம் தேதி வரையும் மற்றும் மதுரையில் இருந்து ஏப்ரல் 19ஆம் தேத முதல் ஜுன் 28 ஆம் தேதி வரையும் இயக்க முடிவு செய்யப்பட்டுள்ளது. ஒவ்வொரு மார்க்கத்தில் இருந்தும் தலா 11 முறை வாராந்திர சிறப்பு ரயில் இயக்கப்படும் என தென்னக ரயில்வேயின்மதுரை கோட்டம்அறிவித்துள்ளது.