முகப்பு /செய்தி /லைஃப்ஸ்டைல் / Summer vacation: 80 ரூபாய் இருந்தால் போதும்.. இந்த சூப்பர் தீவுக்கு போய் வரலாம்..!

Summer vacation: 80 ரூபாய் இருந்தால் போதும்.. இந்த சூப்பர் தீவுக்கு போய் வரலாம்..!

பாதிராமணல்

பாதிராமணல்

Summer vacation | குழந்தைகளுக்கு புதிய பறவைகளை பற்றி சொல்லித்தரவும், பறவைகளை பார்க்கும் பழக்கத்தை ஏற்படுத்தவும் இந்த இடம் ஏற்றதாக இருக்கும்.

  • Last Updated :
  • Kerala, India

கோடை வெயிலில் குளுகுளுவென்று ஏதாவது இடத்திற்கு போக வேண்டும். ஆனால் அது குறைந்த பட்ஜெட்டில் இருந்தால் பரவாயில்லையே என்று கூகுளில் இடங்களை நீங்கள் விரல்கள் தேய அலசிக்கொண்டிருப்பது தெரிகிறது. அதற்காக தான் அருகிலேயே இருக்கும் ஒரு இடத்தை பற்றி உங்களுக்கு சொல்ல வந்திருக்கிறோம். 

கேரளத்தின், அலப்புழா மாவட்டத்தின், முஹம்மா ஊராட்சியில் உள்ள இடம் தான் வேம்பநாடு ஏரி.  2002 ஆம் ஆண்டில், ராம்சார் ஒப்பந்தத்தால் வரையறுக்கப்பட்ட சர்வதேச முக்கியத்துவம் வாய்ந்த ஈர நிலங்களின் பட்டியலில் சேர்க்கப்பட்ட ஏரிக்கு நடுவே தான் நங்கள் சொல்லப்போகும் இடம் இருக்கிறது.

மேற்கு வங்காள சுந்தரவனக் காடுகளுக்குப் பிறகு இந்தியாவின் இரண்டாவது பெரிய ராம்சர் தளமாக உள்ள இந்த ஏரி முழுக்க தண்ணீர் தானே இருக்க போகிறது இதில் என்ன இடம் புதிதாக இருக்கக்கூடும் என்று தானே யோசிக்கிறீர்கள். வேம்பநாடு ஏரிக்கு நடுவே சுமார் 20 ஹெக்ட்டர் நிலப்பரப்பில் பாதிராமணல் என்ற  ஒரு சிறிய தீவு உள்ளது. 

முன்பு அனந்தபத்மநாபன் தோப்பு  என்று அழைக்கப்பட்ட இந்த தீவு தனியார் நிலமாக இருந்தது. பின்னர் அது அரசுடைமையாக்கப்பட்டு வனத்துறையால் பாதுகாக்கப்பட்டு வருகிறது. ஏரிக்கு நடுவே இருக்கும் இந்த தீவு புலம்பெயர்ந்த பறவைகள் உட்பட சுமார் 150 வகையான பறவைகளுக்கு அடைக்கலம் அழித்துக்கொண்டு இருக்கிறது.

பாதிராமணல் என்ற சொல்லுக்கு 'இரவின் மணல்' என்று பொருள் ஆகும். நீரால் சூழ்ந்த இடம்  பதிர கொக்குகளின் இனப்பெருக்க மையமாகும். மேலும் இது பறவை ஆர்வலர்களின் சொர்க்கமாக திகழ்கிறது. குழந்தைகளுக்கு புதிய பறவைகளை பற்றி சொல்லித்தரவும், பறவைகளை பார்க்கும் பழக்கத்தை ஏற்படுத்தவும் இந்த இடம் ஏற்றதாக இருக்கும்.

சரி இந்த தீவுக்கு எப்படி போவது என்று தானே யோசிக்கிறீர்கள். அருகில் உள்ள முகம்மா படகு இல்லம், ஆழப்புழா , குமரகம் ஆகிய இடங்களில் இருந்து 30 நிமிடம் முதல் ஒன்றரை மணி நேர படகு பயணத்தின் மூலம் இந்த தீவை அடையாளம். இந்த படகு பயணத்தின் குறைந்தபட்ச விலை வெறும் 80 ரூபாய் தான். தீவுக்கு சென்ற பின்னர் 1 மணி நேரம் அங்குல இடங்களை எல்லாம் பார்த்து விட்டு மீண்டும் கரைக்கு திரும்பலாம்.

ஆலப்புழாவில் இருந்து கொச்சி மற்றும் காயம்குளம் ஏரி வரை பரந்து விரிந்துள்ள வேம்பநாடு ஏரியில் இந்த இந்த தீவு வழியாக முகமாவிலிருந்து மணியாபரத்திற்கு செல்லும் சர்வீஸ் படகு இயக்கப்படும். முகமாவிலிருந்து காலை 10:30 மற்றும் 11:45 மணிக்கு ஏறினால் பாதிராமணலில் இறங்கலாம். ஒரு மணி நேரம் கழித்து, பயணிகள் முகம்மா திரும்பலாம்.

காலை 11 மணிக்கு குமரகம் - முகம்மா சேவை பாதிராமணல் வழியாக செல்லும். பாதிராமணலில் சுற்றுலாப் பயணிகளை இறக்கிவிட்டு, படகு முகமாவுக்குச் செல்லும். முகம்மாவிலிருந்து திரும்பும் பயணத்தில், படகு பாதிராமணல் வந்து சுற்றுலாப் பயணிகளை ஏற்றிக்கொண்டு குமரக்கட்டை சென்றடையும். இரண்டு சேவைகளுக்கும் ஒரு வழிக்கு 40 ரூபாய் கட்டணம்.

இதையும் பாருங்க: Summer vacation : இந்த விடுமுறைக்கு ஏற்ற பட்ஜெட் ஸ்பாட்... கிருஷ்ணகிரியின் வற்றாத அங்குத்தி அருவி..!

வேம்பநாடு ஏரிக்குள் இருக்கும் இந்த தீவிற்கு அருகிலுள்ள ரயில் நிலையம்: ஆலப்புழா, சுமார் 16 கி.மீ. அருகிலுள்ள விமான நிலையம்: ஆலப்புழாவில் இருந்து வடக்கே சுமார் 85 கி.மீ தூரத்தில் உள்ள கொச்சி சர்வதேச விமான நிலையம் உள்ளது.

First published:

Tags: Alappuzha S11p15, Kerala, Travel, Travel Guide