பெண்களை அதிகமாக பாதிக்கும் ’மைக்ரேன் தலைவலி'.. காரணங்களும்.. தவிர்க்கும் வழிகளும்..!

நீடித்த மைக்ரேன் தலைவலி (Migraine Headache)  என்பது மாதத்தில் குறைந்தபட்சம் 15 நாட்களுக்காவது தலைவலி மற்றும் துடிதுடிக்க வைக்கும் வலி என்ற மருத்துவ நிலையை குறிக்கிறது. மைக்ரேன் தலைவலி காரணமாக குமட்டல், வாந்தி, வெளிச்சத்தை பார்த்தால் கூச்சம், அதிக ஒலியை கேட்டால் எண்ணவோட்டங்களில் தடுமாற்றம் ஏற்படுவது போன்ற பிரச்சனைகள் உண்டாகும்.

மைக்ரேனால் பாதிக்கப்படும் நபர்களில் 90 முதல் 95 சதவீத நபர்களுக்கு இது வாழ்நாள் எல்லாம் நீடிக்கும் பிரச்சனையாக இருக்கிறது. அதிலும் ஆண்களைக் காட்டிலும் பெண்களே அதிகம் பாதிக்கப்படுகின்றனர். வளரும் பருவத்தில் ஆண்களை ஒப்பிடுகையில் பெண்களுக்கு 2 முதல் 3 மடங்கு அதிகமாக மைக்ரேன் தலைவலி பிரச்சினை உண்டாகிறது. பெண்களுக்கு மைக்ரேன் தலைவலி உண்டாவதில் ஹார்மோன் மாற்றங்கள் முக்கிய பங்கு வகிக்கிறது.

வாழ்வியல் பழக்க வழக்கங்கள் மற்றும் மரபு ரீதியான காரணங்களால் நீடித்த மைக்ரேன் வலி ஏற்படுகிறது. மங்கலான பார்வை, மூச்சிரைப்பு, ஒருபக்க தலைவலி, வாந்தி போன்றவை இதன் அறிகுறிகள் ஆகும்.

ஸ்ட்ரெஸ் மற்றும் மைக்ரேன் இடையே உள்ள தொடர்பு என்ன?

மைக்ரேன் தலைவலி உண்டாகுவதற்கான முக்கிய காரணங்களில் ஸ்ட்ரெஸ் முதன்மையான இடத்தைப் பிடிக்கிறது. பணியிடத்தில் விதிக்கப்படும் இறுதிக்கெடு, குடும்ப பிரச்சினைகள், நிதி நெருக்கடி போன்றவை காரணமாக ஸ்ட்ரெஸ் ஏற்படுகிறது. பெண்களுக்கு மாதவிலக்கு காரணமாக ஸ்ட்ரெஸ் உண்டாகிறது.

சாப்பிடாமல் பட்டினி கிடப்பது, போதிய உறக்கமின்மை, கவலை, அச்சம், கோபம், மன அழுத்தம், மது அருந்தும் பழக்கம், சாக்லேட் சாப்பிடுவது போன்ற காரணங்களாலும் மைக்ரேன் தலைவலி உண்டாகும். இந்த ஸ்ட்ரெஸ் எப்போதெல்லாம் உண்டாகிறது என்ற கால அளவு சிலருக்கு அதிகரித்துக் கொண்டே போகிறது. மூளையின் செயல்பாடு மிக அதிகப்படியாக இருக்கும் சூழலில் மைக்ரேன் அட்டாக் வருகிறது.

Also Read | ஒற்றைத் தலைவலி வருவது எதனால்? வகைகள் மற்றும் அறிகுறிகள் என்னென்ன?  

மைக்ரேன் தலைவலி மற்றும் ஸ்ட்ரெஸ் பிரச்சினைகளுக்கு பெண்கள் தீர்வு காண்பது எப்படி?

மைக்ரேன் தலைவலியை தவிர்க்க பல விதமான உத்திகளை பெண்கள் கையாள முடியும். தினசரி வாழ்வியல் மாற்றங்களின் மூலமாகவே இதனை சாத்தியப்படுத்திக் கொள்ளலாம்.