காரசாரமான தக்காளி ஊறுக்காய் செய்ய ரெசிபி...!

தயிர் சாதம், ரசம் சாதம், சாம்பார் சாதத்துக்கு தொட்டுக்கொள்ள ஊறுகாய் இருந்தால் போதும் என்று நினைப்பவர்களுக்கு இந்த தக்காளி ஊறுகாய் சிறப்பாகவே இருக்கும். இந்த ஊறுகாயை சாதத்தில் பிசைந்து சாப்பிடலாம். இட்லி, தோசை, உப்புமா, பொங்கல், சப்பாத்திக்கு தொட்டு கொள்ளலாம். தயிர்சாதத்துக்கு மோர் மிளகாய் விட இந்த தக்காளி ஊறுகாய் சிறந்த காம்பினேஷனாக இருக்கும்.

தேவையான பொருட்கள்

தக்காளி - 4

எண்ணெய் - 2 tsp

புளி தண்ணீர் - அரை கப்

மிளகாய் தூள் - 5 tsp

மஞ்சள் - 1/2 tsp

வெந்தையத் தூள் - 1 tsp

கள் உப்பு - 3 tsp

தாளிக்க

எண்ணெய் - 3/4 tsp

காய்ந்த மிளகாய் - 5

கடுகு - 1 tsp

பூண்டு - 10

தக்காளி

செய்முறை :

1.தக்களியை நறுக்கி மிக்ஸியில் மைய அரைத்துக்கொள்ளவும்.

2. கடாயில் எண்ணெய் விட்டு காய்ந்ததும் அரைத்த தக்காளியை சேர்த்து வதக்கவும்.

3.அதோடு புளித் தண்ணீர் சேர்க்கவும். அடுத்ததாக மிளகாய்த் தூள், மஞ்சள், வெந்தையத் தூள், உப்பு சேர்த்து வதக்கவும்.

4.நன்கு எண்ணெய் பிரிந்து வருமாறு வதக்கவும்.

5. தாளிக்க மற்றொரு கடாயில் எண்ணெய் விட்டு கடுகு, காய்ந்த மிளகாய் மற்றும் பூண்டு சேர்த்து வதக்கி தக்காளி ஊறுகாயில் கொட்டவும்.

6.சுவையான தக்காளி ஊறுகாய் ரெடி..