ஈஸ்டர் ஸ்பெஷல்: சுவையான அச்சு முறுக்கு செய்ய ரெசிபி..!

குறைந்த இனிப்பு சுவை கொண்ட  இந்த முறுக்கு "அச்சப்பம்" என்றும் "ரோஸ் குக்கி" என்றும் அழைக்கப்படுகிறது. ஒவ்வொரு வருடம் ஈஸ்டர்க்கு இந்த அச்சு முறுக்கை செய்யாமல் யாரும் இருக்க மாட்டார்கள். அந்த வகையில் இந்த வருடம் அச்சு முறுக்கு செய்ய தயாராகிவிட்டீர்கள் எனில் இந்த ரெசிபியின் சில நுணுக்கங்களையும் டிரை பண்ணி பாருங்க. சுவை இன்னும் கூடுதலாக இருக்கும்.

தேவையானப் பொருட்கள்:

அரிசி மாவு - 1 கப்

மைதா - 1/4 கப்

முட்டை - 4

பொடித்த சர்க்கரை - 1/2 கப்

தேங்காய்ப்பால் - 1 கப்

வெள்ளை எள் - 1 டீஸ்பூன்

உப்பு - 1 சிட்டிகை

எண்ணெய் - தேவையான அளவு

தயார் செய்து கொள்ள வேண்டியவைகள்:

1. அரிசி மாவு, மைதா இரண்டையும் நன்றாக சலித்து விட்டு, ஒரு பாத்திரத்தில் போடவும். அத்துடன் பொடித்த சர்க்கரை, உப்பு, எள் ஆகியவற்றைச் சேர்த்து கலந்துக் கொள்ளவும்.

2. அதில் தேங்காய்ப்பாலை விட்டு கரைத்துக் கொள்ளவும். தேவைப்பட்டால் சிறிது நீரையும் சேர்த்து, தோசை மாவு பதத்திற்குக் கரைத்துக் கொள்ளவும்.

3. மாவு கெட்டியாகவும் இல்லாமல், மிகவும் நீர்க்கவும் இல்லாமல் சரியான பதத்திற்கு இருக்க வேண்டும்.

செய்முறை:

1. முதலில் வாணலியில் எண்ணையை விட்டு காய வைக்கவும். எண்ணை நன்றாக காய்ந்ததும், அதில் முறுக்கு அச்சை எண்ணையில் ஒரு நிமிடம் வைத்து எடுத்து,  கரைத்து வைத்துள்ள மாவில் நனைக்கவும்.

2. இப்போது அச்சு சூட்டில் மாவு அச்சில் ஒட்டிக் கொள்ளும். உடனே மாவுடன் கூடிய அச்சை திரும்பவும் காய வைத்துள்ள எண்ணையில் மூழ்கும் படி வைக்கவும். சிறிது நேரத்தில் மாவு வெந்து அச்சில் இருந்து பிரிய தொடங்கும். அப்பொழுது லேசாக அச்சை உதறினால் முறுக்கு தனியாக எண்ணையில் விழுந்து விடும்.

3. பொன்னிறமாக சிவக்கும் வரை வேக விட்டி எடுக்கவும். எல்லா மாவையும் இப்படியே செய்து பொரித்தெடுத்தா சிவையான அச்சு முறுக்கு ரெடி.

4. முக்கியமாக ஈரம் இல்லாத பாத்திரத்தில் அச்சு முறுக்கினை எடுத்து வைக்க வேண்டும். அப்போதுதான்  பாதுகாப்பாக இரண்டு மாதங்கள் வரையில் வைத்து சாப்பிடலாம்.

குறிப்பு:

1. நீளமான கம்பி முனையில் விதவிதமான வடிவத்தில் அச்சு கடைகளில் கிடக்கும்.

2. அச்சு முறுக்கு செய்யும்போது முட்டை வேண்டாம் என்றவர்கள் அதனை நீக்கி விடலாம்.