தொப்பையை குறைக்க உதவும் கொள்ளு சூப்.. இப்படி செஞ்சு குடிங்க..

ஆண், பெண் என அனைவரும் எதிர்கொள்ளும் பிரச்சனைகளில் ஒன்று தொப்பை. தொப்பை இல்லாதவர்களை பார்ப்பது அறிய செயலாக மாறிவிட்டது. அந்தவகையில், உடலில் சேரும் தேவையற்ற கொழுப்புகளை எரிக்க உதவும் கொள்ளு சூப்பினை வீட்டிலேயே மிகவும் எளிமையான முறையில் செய்வது எப்படி என இந்த பதிவில் காணலாம்.

​தேவையான பொருட்கள் :

கொள்ளு - 100 கிராம்.

பூண்டு - 1 பல்.

சீரகம் - 1/4 ஸ்பூன்.

மிளகு தூள் - 1/2 ஸ்பூன்.

உப்பு - இரண்டு சிட்டிகை.

​செய்முறை :

முதலில் சூப் செய்ய எடுத்துக்கொண்ட கொள்ளினை, எண்ணெய் சேர்க்காமல் ஒரு வாணலியில் சேர்த்து வறுக்க வேண்டும். வறுபடும் இந்த கொள்ளு பொரிந்து வரும் வரை நன்கு வறுக்க வேண்டும்.

பின்னர், இந்த கொள்ளினை தனி ஒரு பாத்திரத்திற்கு மாற்றி, நன்கு ஆற விட வேண்டும். கொள்ளு ஆறியதும், ஒரு மிக்ஸி ஜாரில் சேர்த்து நன்கு பொடியாக அரைத்து தனியே எடுத்து வைத்துக்கொள்ளவும்.

தற்போது சூப் தயார் செய்ய, ஒரு பாத்திரத்தை அடுப்பில் வைத்து அதில் சுமார் 300மிலி அளவுக்கு தண்ணீர் சேர்த்து நன்கு கொதிக்க வைக்க வேண்டும். முதல் கொதி வந்ததும் அடைப்பை சிம்மில் வைத்துக்கொள்ளுங்கள்.

Also Read | இரத்த ஓட்டத்தை சீராக்கி உடலுக்கு புத்துணர்ச்சி தரும் பீட்ரூட் ஜூஸ் செய்வது எப்படி?

தண்ணீர் நன்கு கொதித்ததும் இதில், அரைத்து எடுத்து வைத்துள்ள கொள்ளு பொடியில் இருந்து 2 ஸ்பூன், சீரகம் மற்றும் உப்பு சேர்த்துக்கொதிக்க வைக்கவும். தொடர்ந்து பூண்டு பல்லினை இடித்து சேர்த்துக்கொள்ளவும்.

இந்த சேர்மத்தை 7 - 10 நிமிடங்களுக்கு நன்கு கொதிக்க வைத்த பின்னர், அடுப்பில் இருந்து இறக்கிவிடுங்கள். பின்னர், வடிகட்டி ஒரு கோப்பைக்கு மாற்றிக்கொள்ள கொள்ளு சூப் ரெடி.

நாம் அரைத்து வைத்துள்ள கொள்ளுப்பொடி சுமார் இரண்டு மாதங்கள் வரை கெடாமல் இருக்கும். எனவே, தேவைப்படும் போது அவ்வப்போது இந்த பொடியை பயன்படுத்தி சூப் தயார் செய்துக்கொள்ளலாம்.

தினமும் காலை டீ, காபிக்கு பதிலாக இந்த கொள்ளு சூப்பினை தொடர்ந்து 30 நாட்களுக்கு பருகி வர உடல் எடையில் மாற்றம் தெரியும். உடல் சூட்டை தணிக்கும் கொள்ளினை, ரசமாகவும் சமைத்து பருகுவதும் நல்ல மாற்றம் தரும்.