ஜில்ஜில் கூல்கூல்..! வெப்பத்தை தணிக்க உதவும் குளுகுளு ஜல்ஜீரா..!

கோடை காலம் வந்து விட்டாலே உடல் வெப்பத்தை தணிக்க உதவும் குளிர்பானங்களின் தேவையும் அதிகரித்து விடும். லஸ்ஸி, சர்பத் மற்றும் உடலுக்கு குளிர்ச்சி தரும் பழச்சாறுகள் ஆகியவற்றை மக்கள் பெரும் அளவில் விரும்பி உட்கொள்வார்கள். இவை அனைத்துமே பொதுவாக கோடை காலங்களில் எளிதாக கிடைக்கும் ஒன்றுதான். ஆனால் உடலுக்கு மிகவும் குளிர்ச்சி தரக்கூடிய, மிகவும் ஆரோக்கியமான ஜல்ஜீரா பற்றி பலருக்கும் தெரிந்திருக்க வாய்ப்புகள் இல்லை.

ஜல்ஜீரா என்பது இந்தியாவில் பாரம்பரிய முறையில் தயாரிக்கப்படும் ஒரு பானம் ஆகும். கொத்தமல்லி, புதினா, சீரகம் இவற்றுடன் வேறு சில மசாலாக்களையும் சேர்த்து மிகவும் சுவையாக இந்த பானம் தயாரிக்கப்படும். இதனை குடிப்பதால் உடல் வெப்பநிலையை தணிக்க உதவுவதோடு உடலை புத்துணர்ச்சியுடன் வைக்க உதவி செய்கிறது. இதைத் தவிர உடலில் ஏற்படும் வாயு கோளாறுகளை சரி செய்யவும் செரிமானத்தை ஊக்குவிக்கவும் இந்த பானம் உதவுகிறது.

Read More : சர்க்கரை நோயை கட்டுப்படுத்தும் பாதாம்.. ஆய்வில் வெளியான நல்ல செய்தி..!

சிலர் இந்த ஜல்ஜிராவை உடலில் உள்ள நச்சுத்தன்மையை போக்குவதற்கு அதிகம் பருகுகின்றனர். இதனால் உடலில் ஏற்படும் அமிலத்தன்மை குறைவதாக ஊட்டச்சத்து நிபுணர்கள் கூறுகின்றனர்.

இவ்வாறு அனைவருக்கும் பிடித்த ஜல்ஜீராவினை நாம் குடிப்பதால் என்னென்ன விதமான நன்மைகள் கிடைக்கும் என்பதை பற்றி பார்ப்போம்.