பட்டுப்போன்ற மென்மையான சருமத்தை பெற இதை ட்ரை பண்ணுங்க!

நம் அனைவருக்கும் முகப்பருக்கள், தழும்புகள் இல்லாத ஆரோக்கியமான சருமத்தை பெற ஆசை. ஆனால், என்னதான் முயற்சித்தாலும் அதற்கான சரியான பலன் கிடைப்பதில்லை. சரும ஆரோக்கித்திற்கு தேவையான சத்துக்களை அதிகம் கொண்டுள்ள தேங்காப்பால், பாதாம் மற்றும் தேன் கொண்டு தயாரிக்கப்படும் எளிமையான பேஸ் பேக் ஒன்றை எப்படி தயார் செய்வது என இங்கு காணலாம்.

​தேவையான பொருட்கள் :

தேங்காப்பால் - 2 ஸ்பூன்.

தேன் - 2 ஸ்பூன்.

பாதாம் - அரை கப்.

பேஸ் பேக் செய்ய கோப்பை ஒன்று.

பேஸ் பேக் செய்முறை :

பேஸ் செய்ய எடுத்துக்கொண்ட பாதாமினை ஒரு கோப்பையில் தண்ணீருடன் சேர்த்து ஒரு நாள் இரவு முழுவதும் ஊற வைக்க வேண்டும். மறுநாள் காலையில், ஊறவைத்த பாதாமினை ஒரு மிக்ஸி ஜாரில் சேர்த்து அரைத்துக்கொள்ளவும்.

கூழ்ம நிலைக்கு அரைத்த இந்த பாதாம் சேர்மத்துடன் தேன் மற்றும் தேங்காய்ப்பால் சேர்த்து நன்கு கலந்துக்கொள்ள, சரும பொலிவுக்கு உதவும் பேஸ் பேக் ரெடி.

முறையாக தயாரிக்கப்பட்ட இந்த பேஸ் பேக்கினை, முகம் மற்றும் கழுத்து பகுதியில் தடவி ஒரு 10 நிமிடத்திற்கு உலர விட்டு, பின்னர் குளிர்ந்த நீரில் சுத்தம் செய்ய வேண்டும். வாரம் 3 முறை இந்த பேக் பயன்படுத்த நல்ல பலன் கிடைக்கும்.

இந்த பேஸ் பேக்கில் நாம் பயன்படுத்தும் தேங்காய்ப்பால் காப்பரின் சிறந்த மூலமாக உள்ளது. இந்த காப்பர் சரும சுருக்கங்களை குறைக்க உதவுகிறது. மேலும் இதில் உள்ள வைட்டமின்கள் பளபளக்கும் சருமம் பெற உதவுகிறது.

Also Read | பொடுகு பிரச்சனைக்கு மூன்றே நாளில் முடிவுகட்ட மருதாணி - எலுமிச்சை ஹேர் மாஸ்க்!

பேஸ் பேக்கில் நாம் பயன்படுத்தும் தேன், சருமத்தின் ஈரப்பதத்தை தக்க வைக்கும் பண்பு கொண்டது. மேலும், சருமத்தின் தளர்வுகளை கட்டுப்படுத்தி இளமைத் தோற்றத்தை தக்க வைக்க உதவுகிறது.

பேஸ் பேக்கில் நாம் பயன்படுத்தும் பாதாம், வைட்டமின் ஈ-ன் சிறந்த மூலமாக உள்ளது. இந்த வைட்டமின் சருமத்தின் இயற்கை பொலிவை மீட்டு தர உதவுகிறது. மற்றும் பதாமின் அழற்சி எதிர்ப்பு பண்பு, சரும தடிப்புகளை தடுக்கிறது.

ஒவ்வாமை பிரச்சனை உள்ளவர்கள் சருமத்திற்கு தேனை பயன்படுத்துகையில், சரும ஆரோக்கியம் தொடர்பான பிரச்சனைகளை எதிர்கொள்கின்றனர். எனவே, குறிப்புகளை பயன்படுத்தும் முன் மருத்துவரின் ஆலோசனை பெறுதல் நல்லது.