நீங்க எப்பவும் இளமையா தெரியனுமா?... இந்த பொடியை பயன்படுத்தி குளிங்க!

அனைவருக்கும் ஆரோக்கியமான சருமத்தை பெற வேண்டும் என ஆசை இருக்கும். சருமத்தை சரியாக பராமரிக்க நேரம் இல்லாமல், சந்தைகளில் விற்கும் கிரீம்களை வாங்கி பயன்படுத்துவோம். ஆனால், நமக்கு சரியான பலன்கள் கிடைக்காது.

இரசாயன சோப்பு-க்கு மாற்றாய் தேங்காய் பால், தேன் உள்ளிட்ட சரும ஆரோக்கியம் காக்கும் பொருட்களை பயன்படுத்தி இயற்கை முறையில் குளியல் பேஸ்ட் ஒன்றை தயார் செய்வது எப்படி என இங்கு நாம் காணலாம்.

தேவையான பொருட்கள் :

தேங்காய் பால் - 1/2 கப்.

தேன் - 1 ஸ்பூன்.

கிளிசரின் - 2 ஸ்பூன்.

ஜோஜோபா எண்ணெய் - 3 ஸ்பூன்.

டீ ட்ரீ எண்ணெய் - 3 சொட்டு.

லாவண்டர் எண்ணெய் - 2 சொட்டு.

செய்முறை :

ஒரு கிண்ணத்தை எடுத்து, அதில் தேங்காய் பால், தேன், ஜோஜோபா எண்ணெய் மற்றும் கிளிசரின் சேர்த்து நன்கு கலந்துக்கொள்ள வேண்டும்.

தொடர்ந்து இதனுடன் குறிப்பிட்ட அளவு டீ ட்ரீ எண்ணெய் மற்றும் லாவண்டர் எண்ணெய் சேர்த்து கலந்து, ஒரு பாட்டிலில் சேமித்து வைத்துக்கொள்ள சரும பொலிவுக்கு உதவும் குளியல் திரவம் ரெடி.

பாத் டப் பயன்படுத்தி குளிப்பவர்கள் இந்த திரவத்தை வழக்கமான முறைப்படி நீரில் சேர்த்து குளிக்கலாம். பக்கெட் தண்ணீரில் குளிப்பவர்கள், ஒரு ஸ்பான்ஞ் உதவியுடன் இந்த திரவத்தை உடலில் தேய்த்து குளிக்கலாம்.

பயன்கள் :

அழற்சி எதிர்ப்பு பண்பு கொண்ட லாவண்டர் எண்ணெய் பயன்படுத்தி தயார் செய்யப்படும் இந்த திரவம் ஆனது, சருமத்தில் காணப்படும் தீ தழும்புகள், காயங்கள் மற்றும் வடுக்கள் ஆகியவற்றை மறைக்க உதவுகிறது.

Also Read | தேங்காய் இருந்தால் போதும்.. சூப்பரான மில்க் ஷேக் செய்யலாம்...

இந்த திரவத்தில் பயன்படுத்தும் தேன் ஆனது சருமத்தின் ஈரப்பத்தை தக்க வைக்கும் தன்மை கொண்டது. அந்த வகையில் சரும வறட்சி உள்ளிட்ட பிரச்சனைகளை போக்கி மிருதுவான சருமம் பெற உதவுகிறது.

தேங்காய் பால், தேன் கலவையில் தயார் செய்யப்படும் இந்த குளியல் திரவம் ஆனது சருமத்ததின் சீரான இரத்த ஓட்டத்திற்கு உதவுகிறது. அந்த வகையில் இந்த திரவம், சருமத்தின் இயற்கை நிறத்தை மீட்டு தந்து, சரும பொலிவுக்கு உதவுகிறது.

உடல் துர்நாற்ற பிரச்சனைகளை விரட்டும் பண்பு இந்த குளியல் திரவத்தில் இருக்கும் நிலையில், இந்த திரவம் கொண்டு தினம் குளித்து வர நல்ல பலன் கிடைக்கும்.