முகப்பு /செய்தி /கரூர் / 12ம் வகுப்பு பொதுத்தேர்வு முடிவுகள் வெளியீடு.. கரூரில் 94.31 % பேர் தேர்ச்சி..!

12ம் வகுப்பு பொதுத்தேர்வு முடிவுகள் வெளியீடு.. கரூரில் 94.31 % பேர் தேர்ச்சி..!

மாதிரி படம்

மாதிரி படம்

karur district 12th Board Results 2023 | மாணவர்களுக்கு செல்போனில், குறுஞ்செய்தி வாயிலாகவும் முடிவுகளை அனுப்பிவைக்க ஏற்பாடு செய்யப்பட்டுள்ளது.

  • Last Updated :
  • Karur, India

கரூர் மாவட்டத்தில் 12 ஆம் வகுப்பு பொது தேர்வில் 94.31 சதவீதம் மாணவ, மாணவிகள் தேர்ச்சி பெற்றனர். தேர்வு எழுதிய 10,204 பேரில் 9623 பேர் தேர்ச்சி அடைந்துள்ளனர். மாணவர்கள் தேர்ச்சி விகிதம் 91.97 சதவீதம், மாணவிகள் தேர்ச்சி விகிதம் 96.36 சதவீதம் ஆகும். 

தமிழ்நாடு முழுவதும் 12 ஆம் வகுப்பு பொதுத்தேர்வு எழுதிய மாணவ, மாணவிகளுக்கு தேர்வு முடிவுகள் இன்று  வெளியானது. இந்த நிலையில் கரூரில் மாநகராட்சி ஆண்கள் மேல்நிலைப் பள்ளி மாணவர்கள் ஏராளமானோர் நேரடியாக பள்ளிக்கு வருகை தந்து, தங்களது தேர்வு முடிவுகளை ஆன்லைன் மூலம் பார்த்து செல்கின்றனர்.

இதில் ஏராளமான மாணவர்கள் தாங்கள் எதிர்பார்த்ததை விட அதிக மதிப்பெண் கிடைத்துள்ளதாக தெரிவித்தனர். இந்த மகிழ்ச்சியை  சக நண்பர்களுடன் இணைந்து  உற்சாகத்துடன் துள்ளி குதித்து கொண்டாடினர்.

12 தேர்வு முடிவுகளை உடனுக்குடன் தெரிந்துக்கொள்ள - Tamil Nadu 12th Result 2023 Live 

மாணவர்கள் தாங்கள் படித்த பள்ளிகள், மாவட்ட ஆட்சியர் அலுவலகங்களில் அமைக்கப்பட்டுள்ள தேசிய தகவல் மையத்திலும் முடிவுகளை அறிந்து கொள்ளலாம். தற்காலிக மதிப்பெண் சான்றிதழ்களை மாணவர்கள் பள்ளிகளில் பெற்றுக் கொள்ளவும் அரசு தேர்வுகள் துறை ஏற்பாடு செய்துள்ளது.

செய்தியாளர்: தி.கார்த்திகேயன், கரூர்

First published:

Tags: 12th exam, 12th Exam results, Exam results, Karur