11 ஆம் வகுப்பு தேர்வு முடிவுகள்: கன்னியாகுமரி மாவட்டத்தில் 94.02% பேர் தேர்ச்சி!

தமிழ்நாட்டில், 10ஆம் தேர்வு முடிவுகள் காலை 10 மணிக்கு வெளியான நிலையில், தற்போது 11ஆம் வகுப்பு பொதுத்தேர்வின் முடிவுகள் வெளியாகியுள்ளன. அதன்படி, கன்னியாகுமரி மாவட்டத்தில், 94.02%பேர் தேர்ச்சி பெற்றுள்ளனர். தேர்வு எழுதிய 21,844 பேரில்,  10,342 ஆண் மாணவர்களும், 11.502 பெண் மாணவர்களும் தேர்ச்சிப் பெற்றுள்ளனர். இதில் ஆண்கள் 90.23%, பெண்கள் 97.42% பேர் தேர்ச்சி பெற்றுள்ளனர்.

2023ம் கல்வியாண்டிற்கான 11ஆம் வகுப்பு பொதுத்தேர்வு, கடந்த மார்ச் 13ஆம் முதல் ஏப்ரல் 5ஆம் தேதி வரை நடந்தது. இந்த பொதுத்தேர்வை தமிழ்நாடு, புதுச்சேரியைச் சேர்ந்த சுமார் 7 லட்சத்து 70 ஆயிரம் மாணவர்கள் எழுதினர்.

தேர்வு முடிவுகளை மாணவர்கள்  www.tnresults.nic.in,   www.dge.tn.nic.in  , ஆகிய இணையதளங்கள் மூலமாக அறிந்துகொள்ளலாம் என்று அரசு தேர்வுகள் துறை இயக்ககம் அறிவித்துள்ளது. பள்ளி மாணவர்கள் மற்றும் தனித் தேர்வர்கள் பதிவு செய்துள்ள செல்போன் எண்ணுக்கும் குறுஞ்செய்தி வழியாக தேர்வு முடிவுகள் அனுப்பி வைக்கப்படும் என பள்ளிக் கல்வித்துறை தெரிவித்துள்ளது.

இதையும் படிங்க : 11ஆம் வகுப்பு பொதுத்தேர்வு முடிவுகளின் லைவ் அப்டேட்களை உடனுக்குடன் தெரிந்துகொள்ள

பத்தாம் வகுப்பு மற்றும் 11ஆம் வகுப்பு மாணவர்கள் தங்களது தற்காலிக மதிப்பெண் சான்றிதழ்களை வரும் 26 ஆம் தேதி முதல் பதிவிறக்கம் செய்து கொள்ளலாம். விடைத்தாள் நகல் மற்றும் மறு கூட்டல் விண்ணப்பிக்க விரும்பும் 11 ம் வகுப்பு மாணவர்கள், பள்ளிகள் வாயிலாக வரும் 24 முதல் 27 வரை விண்ணப்பிக்கலாம்.

பத்து மற்றும் பதினோராம் வகுப்புகளில் தோல்வியடைந்த மாணவர்கள் துணைத் தேர்வு எழுத வரும் 23ஆம் தேதி முதல் 27 ஆம் தேதி மாலை 5 மணி வரை விண்ணப்பிக்கலாம். 11ம் வகுப்பு துணைத் தேர்வு ஜூன் 27 முதல் ஜூலை 5 வரை நடைபெறும் என அறிவிக்கப்பட்டுள்ளது.