மதுமிதாவை மயக்கிய மகா - சீதா ராமன் சீரியல் அப்டேட்

ஜீ தமிழ் தொலைக்காட்சியில் ஒளிபரப்பாகி வரும் சீரியல் சீதா ராமன். இந்த சீரியலில் இன்றைய எபிசோடில் மகாலட்சுமி, அர்ச்சனா, சுபாஷ், சேதுபதி ஆகியோர் குலசேகரப்பட்டிணம் கோவிலுக்கு வர சூர்யா, மதுமிதாவை தங்களது பக்கம் இழுப்பதற்கு திட்டம் போடுகின்றனர்.

மதுமிதாவை கோவிலுக்கு வர வைக்கும் மகா நான் தப்பு பண்ணிட்டேன், என்னை மன்னிச்சிடு என ட்ராமா போட்டு மதுவை தன் பக்கம் இழுக்கிறாள். மகாவின் நடிப்பை நம்பும் மதுமிதா மகா தோளில் சாய்ந்து கண் கலங்குகிறார்.

இங்கே சீதாவின் மிரட்டலால் ராமின் தங்கைகள் துணி மாற்றிக் கொண்டு வெளியே வர ராம் அதை பார்த்து சந்தோஷம் அடைகிறான். பிறகு சீதா அவர்களுக்கு பூ வைத்து விட்டு அனுப்ப அவர்கள் பேக்கிற்குள் மாடர்ன் உடையை மறைத்து எடுத்து செல்கின்றனர்.

கடைசியில் அவர்கள் காலேஜ் சென்று பையை திறந்து பார்க்க அதில் மாடர்ன் உடை இல்லை என தெரிந்து அதிர்ச்சியாகின்றனர். ஃப்ளாஷ்கட்டில் சீதா அந்த துணியை எடுத்து விட்ட விஷயம் தெரிய வருகிறது.

Also read... இஸ்லாம் மதத்திற்கு எதிரானது இல்லை ஃபர்ஹானா படம் - படக்குழு விளக்கம்!

இதனால் கோபமாக வீட்டுக்கு வரும் தங்கைகள், சீதா பூஜை செய்து கொண்டிருக்க பூஜை தட்டை தட்டி விட்டு கோபப்பட ராம் தங்கைகளை திட்ட அவர்கள் மூவரும் ராமையும் தப்பாக பேசுகின்றனர்.

இதனால் கோபமாகும் சீதா மூன்று தங்கைகளில் ஒருவரை பளாரென அறைகிறாள். இப்படியான நிலையில் அடுத்ததாக நடக்க போவது என்ன என்பது இனிவரும் எபிசோடுகளில் தெரியவரும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.