சிவா கொடுத்த அதிர்ச்சியால் தீபா எடுத்த முடிவு - கார்த்திகை தீபம் சீரியல் அப்டேட்!

ஜீ தமிழ் தொலைக்காட்சியில் ஒளிபரப்பாகி வரும் சீரியல் கார்த்திகை தீபம். இந்த சீரியலின் இன்றைய எபிசோட்டில் சிவா அபிராமி வீட்டுக்கு வர கார்த்தியும் தீபாவும் வெளியில் நின்று கொண்டிருப்பதை பார்த்துவிட்டு எதுவும் பேசாமல் நேராக உள்ளே வருகிறான்.

பிறகு அபிராமி அவனிடம் இந்த கல்யாண ஏற்பாடு எல்லாம் செய்தது நீதான் என தர்மலிங்கம் குடும்பம் சொல்கிறார்கள் அது உண்மையா என கேட்க சிவா எனக்கும் இதுக்கும் எந்த சம்பந்தமும் இல்லை என சொல்லி அனைவருக்கும் அதிர்ச்சி கொடுக்கிறான்.

மேலும் நான் தீபாவையும் தர்மலிங்கத்தையும் ஒரிருமுறை பார்த்து இருக்கேன். ஒருமுறை என்னுடைய ஆஃபீஸ்க்கு வந்து பொண்ணு கருப்பாக இருப்பதால் கல்யாணம் ஆகல, ஏதாவது உதவி பண்ணுங்கனு சொன்னாங்க. நான் இன்னொரு முறை வரும்போது என்னால எந்த உதவியும் பண்ண முடியாதுன்னு சொல்லிட்டேன் அதை தவிர எனக்கும் இவங்களுக்கும் எந்த சம்பந்தமும் கிடையாது என சொல்கிறான்.

இதனால் தர்மலிங்கம் கோபமாகி சிவாவின் சட்டையை பிடிக்கிறார். ஆனால் சிவா இவங்க வீட்டிலேயே அண்ணன் அண்ணி என எல்லோரும் இருக்கும்போது நான் எதுக்கு மாப்ள பாக்கணும்? என சொல்ல தீபா நீங்க தான சார் வந்து எல்லாத்தையும் ஏற்பாடு பண்ணீங்க இப்ப இப்படி சொன்னா எப்படி என கேட்க உனக்கு கார்த்தியை கல்யாணம் பண்ணனும்னு ஆசை இருந்தா நீ நேரா பண்ணிக்க வேண்டியது தானே? என்னுடைய பெயரை எதுக்கு இழுக்கற என சத்தம் போட்டுவிட்டு அங்கிருந்து கிளம்புகிறான்.

Also read... எஸ்.பி.முத்துராமனின் படக் கதையை பிரதிபலிக்கும் அஜித்தின் வீரம் படம்!

பிறகு அபிராமி சிவா எல்லாத்தையும் புட்டு புட்டு வச்சிட்டான், சொத்துக்காக தானே இப்படி எல்லாம் பண்ணீங்க என சொல்லி உள்ளே சென்று நகை, பணம், பத்திரங்கள் என எல்லாத்தையும் எடுத்து வந்து கொடுத்து எடுத்துக்கிட்டு வெளியே போங்க என சொல்கிறாள்.

இதுக்கு மேலயும் எதுவும் பேச முடியாது என தர்மலிங்கம் எல்லோரையும் கூட்டிக்கொண்டு வெளியே கிளம்ப தீபா என்னால வர முடியாது என சொல்லி ஷாக் கொடுக்கிறாள். இப்படியான நிலையில் அடுத்ததாக நடக்க போவது என்ன என்பது இனிவரும் எபிசோடுகளில் தெரியவரும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.