துணிமணியோடு வீட்டுக்குள் நுழைந்த ராதிகா... அதிர்ச்சியில் பாக்யா

துணிமணிகளோடு பாக்யா வீட்டுக்கு வந்து அதிர்ச்சி கொடுத்திருக்கிறார் ராதிகா.

விஜய் டிவி-யில் திங்கள் முதல் சனி வரை இரவு 8.30 முதல் 9 மணி வரை ஒளிபரப்பாகி வரும் சூப்பர் ஹிட் சீரியல் பாக்கியலட்சுமி. இந்த சீரியலில் பாக்கியலட்சுமியாக நடிகை சுசித்ரா ஷெட்டி, கோபியாக நடிகர் சதீஷ்குமார், பாக்கியாவின் மாமனாராக, ராமமூர்த்தி கேரக்டரில் நடிகர் எஸ்டிபி ரோசரி, மாமியார் ஈஸ்வரியாக பிரபல நடிகை ராஜலக்ஷ்மி, மூத்த மகன் செழியனாக விகாஷ் சம்பத், இளையமகன் எழிலாக விஜே விஷால், மகள் இனியாவாக நடிகை நேஹா மேனன், மருமகள் ஜெனியாக திவ்யா கணேஷ் உள்ளிட்டோர் நடித்து வருகின்றனர்.

பாக்கியாவை விவாகரத்து செய்துவிட்டு ராதிகாவை இரண்டாவதாக திருமணம் செய்துக் கொள்ளும் கோபி பக்கத்து வீட்டிற்கு குடி வருகிறான். அவ்வப்போது பாக்கியாவை சீண்டுவதை வாடிக்கையாக வைத்திருக்கிறான். கேட்டரிங் தொழில் செய்து, குடும்பத்தை காப்பாற்றி வரும் பாக்கியா, கூடவே பல பிரச்னைகளையும் சமாளித்து வருகிறாள்.

இதற்கிடையே குடித்து விட்டு, என்ன ஆனாலும் ராதிகா வீட்டுக்கு மட்டும் போகக் கூடாது என்ற தீர்மானத்தில் இருக்கும் கோபியை தங்களது வீட்டுக்கு அழைத்து வருகிறான் மகன். கோபி அங்கு வந்தது யாருக்கும் பிடிக்கவில்லை என்றாலும், அவனது நிலைமையை நினைத்து பரிதாபப் படுகின்றனர் குடும்பத்தினர். இரவு முழுக்க கோபி வீட்டுக்கு வராத நிலையில், அடுத்த நாள் காலையில் அவனது கார் பாக்யா வீட்டில் நிற்பது கண்டு கொதித்து போகிறாள் ராதிகா.

' isDesktop="true" id="943146" youtubeid="i4qBZcI45CY" category="television">

என்ன ஆனாலும் உன் உரிமையை விட்டுக் கொடுக்கக் கூடாது ராதிகா, என அவள் அம்மா கூற, துணி மணிகளோடு பாக்யா வீட்டுக்கு வருகிறாள் ராதிகா. இனி நீங்க இங்க தான் இருக்கப் போறீங்கன்னா, நானும் இங்கயே இருக்கேன் என அவள் கூற, பாக்யா உள்ளிட்ட அனைவர் முகத்தில் அதிர்ச்சி.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.