முகமெல்லாம் சோகம்.. உருக வைத்த வடிவேலு குரல்... வெளியானது மாமன்னன் படத்தின் ’ராசா கண்ணு’ பாடல்!

பரியேறும் பெருமாள், கர்ணன் ஆகிய படங்களைத் தொடர்ந்து இயக்குநர் மாரி செல்வராஜ் தற்போது இயக்கியுள்ள திரைப்படம் மாமன்னன். உதயநிதி ஸ்டாலின் நாயகனாக நடிக்கும் இப்படத்தை அவரின் ரெட்ஜெண்ட் மூவிஸ் நிறுவனமே தயாரிக்கிறது. கீர்த்தி சுரேஷ் இதில் ஹீரோயினாக நடிக்கிறார்.

முக்கியக் கதாபாத்திரத்தில் ஃபஹத் பாசில், வடிவேலு ஆகியோர் நடிக்கின்றனர். மாமன்னன் படத்துக்கு ஏ.ஆர்.ரஹ்மான் இசையமைக்க, தேனி ஈஸ்வர் ஒளிப்பதிவு செய்துள்ளார்.

' isDesktop="true" id="984757" youtubeid="3AqeVDETiQA" category="entertainment">

ஏற்கனவே மாரி செல்வராஜ் இயக்கத்தில் வெளிவந்த பரியேறும் பெருமாள், கர்ணன் ஆகிய படங்கள் அழுத்தமான கதைகள் கொண்டதாக அமைந்தன. அந்த வகையில் மாமன்னன் படமும் தமிழ் சினிமாவில் முக்கியமான படமாக அமையும் என்று எதிர்பார்க்கப்படுகிறது. இந்நிலையில் இப்படத்தில் வடிவேலு பாடியுள்ள ராசா கண்ணு பாடல் இன்று வெளியானது. வலி மிகுந்த வார்த்தைகளை யுகபாரதி எழுத, மிகவும் உருக்கமாக வடிவேலு பாடியுள்ளார். இந்த பாடல் ரசிகர்களிடையே வரவேற்பை பெற்றுள்ளது.