லியோ படத்தின் இறுதி பாடல்.. சென்னையில் நடக்கும் ஷூட்டிங்... வெளியான அப்டேட்!

லோகேஷ் கனகராஜ் இயக்கத்தில் விஜய் நடிப்பில் உருவாகி வரும் லியோ திரைப்படத்தின் இறுதி பாடல் படப்பிடிப்பு நாளை சென்னையில் தொடங்குவதாக தகவல்கள் வெளியாகியுள்ளது.

வாரிசு படத்திற்கு பிறகு தளபதி விஜய் தற்போது லியோ படத்தில் நடித்து வருகிறார். மாஸ்டர் படத்தை தொடர்ந்து விஜய் நடிக்கும் இந்த படத்தின் மூலம் லோகேஷ் கனகராஜ் 2-வது முறையாக விஜயுடன் இணைந்துள்ளார். இதற்கான படப்பிடிப்பு சென்னையில் நடைபெற்று வருகிறது. அதில் வசன காட்சிகள் மற்றும் சண்டை காட்சிகளை கடந்து சில வாரங்களாக இயக்குனர் லோகேஷ் படமாக்கி வந்தார்.

இந்த நிலையில் நாளை முதல் படத்தின் பாடல் காட்சியை அவர் படமாக்க உள்ளார். அனிருத் இசையில் உருவாகி இருக்கும் அந்த பாடலுக்காக சென்னையில் பெரிய செட் அமைக்கப்பட்டுள்ளது. அதில் பாடல் படப்பிடிப்பை பட குழுவினர் நடத்துகின்றனர்.

Also read... அதிதி உடன் காதலா? ரசிகையின் கேள்விக்கு ‘டக்கர்’ பதிலளித்த நடிகர் சித்தார்த்!

லியோ திரைப்படத்தின் படப்பிடிப்பை மே மாத இறுதிக்குள் முடிக்க தொடக்கத்தில் திட்டமிட்டனர். ஆனால் ஒரு சில காரணங்களால் ஜூன் மாதம் இறுதி வரை லியோ படப்பிடிப்பு செல்லும் என கூறப்படுகிறது. மேலும் விஜய் காட்சிகள் அதற்கு முன்பாகவே படமாக்கி முடிக்கப்படலாம் எனவும் படக் குழுவினர் தரப்பில் கூறுகின்றனர்.

த்ரிஷா நாயகியாக நடித்து வரும் இந்த படத்தில் பாலிவுட் பிரபலம் சஞ்சய் தத், அர்ஜுன், கவுதம் மேனன், மிஷ்கின், பிரியா ஆனந்த், மன்சூர் அலிகான், மேத்யூ தாமஸ் சாண்டி உள்ளிட்ட பலர் நடித்து வருகின்றனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.