ஃபர்ஹானா படத்தை திருட்டுத்தனமாக பார்த்து தயாரிப்பாளரிடமே சிக்கிய ரசிகர் - என்ன சொன்னார் தெரியுமா?

ஒரு நாள் கூத்து, மான்ஸ்டர் படங்களின் மூலம் கவனம் ஈர்த்த நெல்சன் வெங்கடேசன் தற்போது ஐஸ்வர்யா ராஜேஷ் நடிப்பில் ஃபர்ஹானா என்ற படத்தை இயக்கியுள்ளார். இந்தப் படத்தில் ஐஸ்வர்யா ராஜேஷ் இஸ்லாமியராக நடித்துள்ளார்.

இஸ்லாமிய பெண்ணான நடிகை ஐஸ்வர்யா ராஜேஷ் தனது குழந்தைகளை காப்பாற்றுவதற்காக மத நம்பிக்கைகளைக் கடந்து வேலைக்கு செல்லும் விதமாக படத்தில் காட்சி அமைக்கப்பட்டு உள்ளதாக கூறப்படுகிறது.

இதனால், இஸ்லாமிய இயக்கத்தினர் பலர் இந்த திரைப்படத்திற்கு எதிர்ப்பு தெரிவித்து வந்தனர். மேலும் இந்த திரைப்படத்தை திரையரங்குகளில் வெளியிடக்கூடாது என சென்னை காவல் ஆணையர் அலுவலகத்திலும் இஸ்லாமிய இயக்கத்தினர்களால் புகாரளிக்கப்பட்டது.

இதையும் படிக்க | ''இனம் தெரியாத ஈர்ப்பு'' - காதல் அனுபவத்தை பகிர்ந்த சாய் பல்லவி

Piracy la padam paarthaalum…screen grab panni paaraatureenga parunga…antha Manasu thaan bro…😍😍🤗🤗#Farhana #SayNoToPiracy😁😁 https://t.co/JC4cuQUtVT

— SR Prabu (@prabhu_sr) May 15, 2023

இதனால் முன்னெச்சரிக்கை நடவடிக்கையாக சென்னை தியாகராய நகர் ஹபிபுல்லா சாலை சிவ சைலம் தெருவில் உள்ள நடிகை ஐஸ்வர்யா ராஜேஷின் வீட்டிற்கு போலீசார் பாதுகாப்பு போடப்பட்டுள்ளது.

இந்த நிலையில் ரசிகர் ஒருவர் தனது லேப்டாப்பில் ஃபர்ஹானா படம் பார்க்கும் ஸ்கிரீன்ஷாட் பகிர்ந்து, ஜித்தன் ரமேஷை குறிப்பிட்டு இது மாதிரி நல்ல ஸ்கோப் இருக்க கேரக்டர்ல நடிங்க ப்ரோ என்று குறிப்பிட்டுள்ளார்.

அவருக்கு பதிலளித்துள்ள இந்தப் படத்தின் தயாரிப்பாளர் எஸ்.ஆர்.பிரபு, பைரசில படம் பார்த்தாலும் ஸ்கிரீன்ஷாட் பகிர்ந்து பாராட்டுறீங்க பாருங்க. அந்த மனசுதான் ப்ரோ என்று நக்கலாக குறிப்பிட்டுள்ளார்.