நயன்தாரா அழகி.. விஜய் சேதுபதி அடக்கமானவர்.. கோலிவுட் நடிகர்களை புகழ்ந்து தள்ளிய ஷாருக்கான்!

ஷாருக்கான், தீபிகா படுகோன், ஜான் ஆபிரகாம் நடித்துள்ள படம், ‘பதான்’. கடந்த 25-ம் தேதி வெளியான இந்தப் படத்தை சித்தார்த் ஆனந்த் இயக்கி உள்ளார். 4 ஆண்டு இடைவெளிக்கு பிறகு ஷாருக்கான் நடித்து வெளியாகி இருக்கும் இந்தப் படம் வசூலில் சாதனை படைத்தது.

இதனை தொடர்ந்து தற்போது அட்லி இயக்கத்தில் ஷாருக்கான் ஜவான் படத்தில் நடித்துவருகிறார். இப்படத்தில் ஷாருக்கானுக்கு ஜோடியாக நயன்தாரா நடிக்கிறார். இந்தப் படத்தில் விஜய் சேதுபதி வில்லனாக நடிக்க, அனிருத் இந்தப் படத்துக்கு இசையமைக்கிறார். இந்தப் படத்தின் டீசர் சமீபத்தில் வெளியாகியிருந்தது. ஷாருக்கானின் ரெட் சில்லிஸ் எண்டர்டெயின்மென்ட் தயாரிக்கும் இந்தப் படம் ஹிந்தி, தமிழ், தெலுங்கு, மலையாளம், கன்னட மொழிகளில் வெளியாகிறது.

இந்தப் படத்தில் பிரியாமணி, சான்யா மல்ஹோத்ரா, யோகி பாபு உள்ளிட்டோர் முக்கிய வேடங்களில் நடித்துள்ளனர். சிறப்பு வேடத்தில் நடிக்க, விஜய், அல்லு அர்ஜூன் ஆகியோரிடம் பேச்சுவார்த்தை நடைபெற்றதாகவும், இறுதியில் அந்த வேடத்தில் ராம் சரண் நடிக்கவுள்ளதாகவும் தகவல் வெளியாகியுள்ளது. படப்பிடிப்பு முடிந்து தொழில் நுட்ப பணிகள் நடக்கின்றன. ரெட் சில்லிஸ் தயாரிக்கும் இந்தப்படம், செப். 7-ம் தேதி வெளியாகிறது.

இந்நிலையில் ஷாருக் கான் தனது ட்விட்டர் பக்கத்தில் #AskSRK என்ற ஹேஸ்டேக் மூலமாக ரசிகர்களின் கேள்விகளுக்கு பதிலளித்து வருகிறார். அந்த வகையில் சமீபத்தில் ரசிகர்களின் கேள்விகளுக்கு பதிலளித்தார். ‘ஜவான்’ ஒரு புது வகை படைப்பு. இயக்குநர் அட்லீ, மாறுபட்ட 2 ஷாருக்கானை உருவாக்கும் முயற்சியில் ஈடுபட்டிருக்கிறார். இந்தப் படத்தைப் பொருத்தவரை, அட்லீ மற்றும் அவர் குழுவினர்தான் மாஸ். அவர்களின் ஸ்டைல், அணுகுமுறை மிகவும் உற்சாகப்படுத்தியது.

Also read... மலையாள படத்தைப் பார்த்து எழுதியதுதான் கஸ்டடி - இயக்குநர் வெங்கட் பிரபு ஓபன் டாக்!

நயன்தாரா இனிமையானவர். மிகப்பெரிய அழகி. அவரோடு இணைந்து நடித்தது மகிழ்ச்சியாக இருந்தது. விஜய்சேதுபதி திறமையான நடிகர். மிகவும் அடக்கமானவர். அவரிடம் கற்றுக்கொள்ள வேண்டிய விஷயங்கள் நிறைய இருக்கிறது என்றும் தெரிவித்திருந்தார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.