பொன்னியின் செல்வன் 2 படத்துக்கு கூட்டம் இல்லை..?! கோவையில் நிறையாத தியேட்டர்கள்!

கோவையில் பொன்னியின் செல்வன் 2 திரைப்படம் வெளியாகி உள்ள நிலையில் முதல் காட்சிகளை காண திரையரங்குகளில்  குறைவான ரசிகர்களே வந்திருந்தனர்.

கோவையில் பொன்னியின் செல்வன் 2  இன்று 30க்கும் மேற்பட்ட திரையரங்குகளில் திரையிடப்பட்டது. மால்கள் மற்றும் திரையரங்குகளில் இந்த படம்  திரைப்படம் வெளியான நிலையில், ரசிகர்கள் உற்சாகத்துடன் படத்தை பார்த்து வருகின்றனர். அதே வேளையில் கோவையில் உள்ள திரையரங்குகளில்  காலை முதலே  குறைந்த அளவிலேயே கூட்டம் இருந்து வருகிறது.

கோவை ஆர்.எஸ்.புரம் பகுதியில் உள்ள அர்ச்சனா திரையரங்கில் நடிகர்  கார்த்திக் ரசிகர் மன்றத்தை சேர்ந்தவர்கள் மேளதாளம் முழங்க கார்த்திக் கட் அவுட்டிற்கு மாலை அணிவித்தும்,  பாலபிஷேகம் செய்தும் கொண்டாட்டத்தில் ஈடுபட்டனர். பொன்னியின் செல்வன் இரண்டாம் பாகத்தை பார்ப்பதற்கு மிகுந்த ஆர்வத்துடன் செல்வதாகவும், படம் நிச்சயம் சிறப்பாக இருக்கும் எனவும் ரசிகர்கள் தெரிவித்தனர்.

Also read... பல்லாவரம் To பான் இந்தியா... ஹேப்பி பர்த்டே சமந்தா!

காலை நேர காட்சி என்பதால் கூட்டம் பெரும் அளவு குறைவாகவே காணப்பட்டது. நாளை, மறுதினம் விடுமுறை என்பதாலும் முதல் காட்சிகளை காண  குறைந்த அளவு ரசிகர்களே வந்திருந்தனர். அதனால் சனி, ஞாயிறு கிழமைகளில் வழக்கமான கூட்டத்தை காணலாம் எனவும் ரசிகர்கள் தெரிவித்துள்ளனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.