முத்தையா முரளிதரன் பயோபிக்... விஜய் சேதுபதிக்கு பதில் ஹீரோ யார் தெரியுமா?

கிரிக்கெட் வீரர் முத்தையா முரளிதரன் வாழ்க்கை வரலாற்றை மையமாக வைத்து எடுக்கப்படும் 800 திரைப்படத்தின் முதல் பார்வை வெளியிடப்பட்டுள்ளது.

இலங்கை அணிக்காக விளையாடிய முன்னாள் கிரிக்கெட் வீரர் முத்தையா முரளிதரன் வாழ்க்கை வரலாற்றை மையமாக வைத்து 800 என்ற திரைப்படம் உருவாகிறது.

இந்த திரைப்படத்தில் முதலில் நடிகர் விஜய் சேதுபதி, முத்தையா முரளிதரன் கதாபாத்திரத்தில் நடிப்பதாக இருந்தது.  அதற்காக அவருக்கு பெரும் தொகை சம்பளமாக வழங்கப்பட்டது. ஆனால் தமிழ் அமைப்புகள் விஜய் சேதுபதி முத்தையா முரளிதரன் கதாபாத்திரத்தில் நடிக்க கடும் எதிர்ப்பு தெரிவித்தன, சில போராட்டங்களும் நடைபெற்றன.

இதையும் படிக்க | வீட்டை பார்க்கணும்னு சொன்னார்.. இப்படி பண்ணுவாருனு நினைக்கல - பிரபல நடிகை பரபரப்பு புகார்

இதன் காரணமாக விஜய் சேதுபதி 800 திரைப்படத்திலிருந்து விலகினார். இதை அடுத்து ஸ்லம்டாக் மில்லியனர் படத்தில் நடித்த மதுர் மிட்டல், 800 திரைப்படத்தில் நடிக்க ஒப்பந்தமானார்.  வெங்கட் பிரபுவிடம் உதவியாளராக இருந்து கனிமொழி என்ற திரைப்படத்தை இயக்கிய ஸ்ரீபதி இந்த திரைப்படத்தை இயக்கியுள்ளார்.

மேலும் முத்தையா முரளிதரனின் மனைவியாக மஹிமா நம்பியார் நடித்துள்ளார்.  திரைப்படத்தின் முதல் பார்வையை முத்தையா முரளிதரனின் பிறந்த நாளான இன்று படக்குழுவினர் வெளியிட்டுள்ளனர். திரைப்படத்தின் படப்பிடிப்பு சென்னை, கொச்சி, இலங்கை,  ஆஸ்திரேலியா உள்ளிட்ட இடங்களில் நடைபெற்றுள்ளது.