கவினின் அடுத்த படத்திற்கு இசையமைக்கும் அனிருத்... வெளியானது அதிகாரப்பூர்வ தகவல்!

சீரியல்கள் மற்றும் பிக்பாஸ் நிகழ்ச்சியின் மூலம் கவனம் ஈர்த்தவர் சீரியல் நடிகர் கவின். அதனை தொடர்ந்து கவினின் நடிப்பில் லிஃப்ட் திரைப்படம் நேரடியாக ஓடிடியில் வெளியாகி வெற்றி பெற்றது. அதன்பின்னர் கவின் நாயகனாக நடித்த திரைப்படம் டாடா.  இந்த திரைப்படத்தை அவரின் கல்லூரி நண்பரான கணேஷ் கே.பாபு சிம்பிள் கதையாக இருந்தாலும் புது கோணத்தில் எடுக்கப்பட்டதால் டாடா திரைப்படம் அனைவரின் கவனத்தை ஈர்த்தது. தற்போதைய சூழலில் இருக்கும் ஒரு இளைஞனின் பின்னணியில் டாடா திரைப்படத்தின் கதை எழுதப்பட்டது. கல்லூரி மாணவன் தொடங்கி, பொறுப்பான அப்பாவாக மாறும் தருணம் வரை காட்சிகள் இடம்பெற்று கவனம் ஈர்த்தது.

Also read... "கல்லறையில் பொறிக்கும் எழுத்துகளில் கூட நீ நீயாகத்தான் இருக்க வேண்டும்..!" - செல்வராகவனின் வைரல் ட்வீட்!

படம் நல்ல வரவேற்பை பெற்ற நிலையில், பொதுமக்கள் மட்டுமின்றி திரைப் பிரபலங்கள் பலரும் கவின் நடிப்பிற்கும் படக்குழுவினருக்கும் பாராட்டுகளை தெரிவித்தனர். திரையரங்கில் வெற்றியடைந்தது மட்டுமின்றி ஓடிடியிலும் சமீபத்தில் வெளியாகி ரசிகர்கள் மத்தியில் பெரும் வரவேற்பை பெற்றது.

டாடா படத்தின் வெற்றிக்கு பின்னர் கவினின் மார்க்கெட் ஜெட் வேகத்தில் உயர்ந்துவிட்டது. தற்போது அவர் நடிக்க உள்ள அடுத்த படத்துக்கான அறிவிப்பு வெளியாகி உள்ளது.

 

View this post on Instagram

 

A post shared by Kavin M (@kavin.0431)

அந்த வகையில் திரைப்படத்தை பிரபல நடன இயக்குனரும், நடிகருமான சதீஷ் இயக்க உள்ளார். அவர் இப்படத்தின் மூலம் இயக்குனராக அறிமுகமாக உள்ளார். இப்படத்தில் கவினுக்கு ஜோடியாக பிரீத்தி அஸ்ரானி நடிக்கிறார். இப்படத்திற்கு அனிருத்  இசையமைக்க உள்ளார். ரோமியோ பிக்சர்ஸ் நிறுவனம் சார்பில் ராகுல்  இப்படத்தை தயாரிக்க உள்ளார். இதுகுறித்த தகவலை நடிகர் கவின் தனது இன்ஸ்டாகிராம் பக்கத்தில் தெரிவித்துள்ளார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.