கேஜிஎஃப் பட தயாரிப்பு நிறுவனம்.. கவனிக்க வைப்பாரா கீர்த்தி சுரேஷ்? 'ரகு தாத்தா' ஷூட்டிங் அப்டேட்!

நடிகை கீர்த்தி சுரேஷ் நடிப்பில் ஹோம்பாலே ஃபிலிம்ஸ் நிறுவனம் நேரடியாக தமிழில் முதன்முறையாக தயாரிக்கும் 'ரகு தாத்தா' படத்தின் படப்பிடிப்பு நிறைவடைந்துள்ளது.

தமிழ் சினிமாவில் முன்னணி நடிகை அனா கீர்த்தி சுரேஷ் தனக்கு முக்கியத்துவம் கொடுக்கும் சில திரைப்படங்களை தேர்ந்தெடுத்து நடிக்கிறார். அந்த வகையில் அவர் நடித்த நடிகையர் திலகம் திரைப்படம் அவருக்கு தேசிய விருதை பெற்று தந்தது.

இந்த நிலையில் தற்போது 'ரகு தாத்தா' என்ற திரைப்படத்தில் நடித்து வருகிறார். அந்த திரைப்படத்தை ஃபேமிலி மேன் இணையத் தொடருக்கு கதை எழுதிய சுமன் குமார் கதை எழுதி இயக்குகிறார்.  அதற்கான படப்பிடிப்பு கடந்த சில மாதங்களாக நடைபெற்று வந்தது.  அதற்கான படப்பிடிப்பு முழுவதும் தற்போது முடிவடைந்துள்ளது.

Also read... சென்சார் அதிகாரிகளை அதிர்ச்சியடையச் செய்த கமலின் படம்!

கே.ஜி.எஃப், காந்தாரா படங்களை தயாரித்த ஹோம்பாலே நிறுவனம் இந்தப் படத்தை தயாரித்திருக்கிறது.  தன்னுடைய நிலத்தின் அடையாளத்தை காப்பாற்ற நினைக்கும் ஒரு பெண்ணின் கடினமான பயணத்தை ரகு தாத்தாவில் படமாக்கியுள்ளனர்.  இதில் கீர்த்தி சுரேஷுடன் எம்.எஸ். பாஸ்கர், தேவதர்ஷினி உள்ளிட்ட பல பிரபல நட்சத்திரங்கள் நடித்துள்ளனர்.

ஷான் ரோல்டன் படத்திற்கு இசையமைக்கிறார்.  படப்பிடிப்பு நிறைவடைந்த நிலையில் இறுதி கட்டப் பணிகளை பட குழுவினர் தொடங்க உள்ளனர். மேலும் இந்த ஆண்டு இறுதிக்குள் படத்தை வெளியிடவும் திட்டமிட்டு இருக்கின்றனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.