சிவகார்த்திகேயனின் மாவீரன் படத்தின் ரிலீஸ் எப்போது? வைரலாகும் தகவல்!

'டாக்டர்', 'டான்' என அடுத்தடுத்து இரண்டு வெற்றிப்படங்களைக் கொடுத்த சிவகார்த்திகேயன் 'பிரின்ஸ்' படத்தின் மூலம் தமிழ் சினிமாவில் ஹாட்ரிக் வெற்றியைப் பதிவு செய்வார் என எதிர்பார்க்கப்பட்டது. ஆனால் அந்தப் படம் ரசிகர்களைக் கவரத் தவறியதால் தோல்வியைத் தழுவியது. சிவகார்த்திகேயனின் இமேஜுக்கு ஏற்ற கதை இல்லாததே இந்தப் படத்தின் தோல்விக்கு காரணம் என கூறப்படுகிறது.

இந்நிலையில், நடிகர் சிவகார்த்திகேயன் தற்போது மண்டேலா படத்தின் இயக்குனர் மடோன் அஸ்வின் இயக்கத்தில் மாவீரன் என்ற திரைப்படத்தில் நடித்து வருகிறார். இந்த திரைப்படத்திற்கான படப்பிடிப்பு சென்னையில் விறுவிறுப்பாக நடைபெற்று வருகிறது.

இந்தப் படத்தில் சிவகார்த்திகேயனுக்கு ஜோடியாக அதிதி ஷங்கர் நடித்துள்ளார். இயக்குநர் மிஷ்கின் வில்லனாகவும், நடிகை சரிதா மற்றும் யோகி பாபு முக்கிய வேடத்திலும் நடிக்கின்றனர். இந்தப் படம் தமிழ், தெலுங்கில் பைலிங்குவல் படமாக உருவாகி வருகிறது. தெலுங்கில் இந்தப் படத்திற்கு ‘மாவீருடு’ என தலைப்பிடப்பட்டுள்ளது.

Also read... குஷ்பூவை காதலிக்கலனா அந்த நடிகைக்கு ப்ரொபோஸ் செய்திருப்பேன் - சுந்தர்.சி!

இந்நிலையில், 'மாவீரன்' படத்தின் ரிலீஸ் தேதி குறித்த தகவல் வெளியாகியுள்ளது. அதன்படி, இப்படத்தை வருகிற ஜூலை 28-ஆம் தேதி வெளியிட படக்குழு திட்டமிட்டுள்ளதாக சினிமா வட்டாரங்கள் தெரிவிக்கின்றனர். மேலும், இப்படத்தின் டீசர் விரைவில் வெளியாகும் என எதிர்பார்க்கப்படுகிறது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.