உலக சுற்றுப்பயணத்தை முடித்த அஜித்.. அடுத்த பிளான் இதுதான் - மேனேஜர் அறிவிப்பு

நடிகர் அஜித் குமார் நடிக்கவிருக்கும் விடாமுயற்சி படத்தின் படப்பிடிப்பு தாமதமாவதால் நடிகர் அஜித் குமார் நேபாளம், மற்றும் பூட்டான் நாடுகளில் உலக சுற்றுப்பயணத்தை மேற்கொண்டார். தற்போது விடாமுயற்சி படத்தின் படப்பிடிப்பு விரைவில் சென்னையில் துவங்கவிருப்பதால் பயணத்தை முடித்துக்கொண்டு சென்னை திரும்பியிருக்கிறார்.

இந்த நிலையில் நடிகர் அஜித்தின் பயணித்த புகைப்படங்களைப் பகிர்ந்த அவரது மேனேஜர் சுரேஷ் சந்திரா, அவர் பயணித்த இடங்களை குறிப்பிட்டு மேப் ஒன்றையும் பகிர்ந்திருக்கிறார். அதில், தன் படி இந்தியாவில் தெலங்கானா, மகாராஷ்டிரா, கொல்கத்தா, ராஜஸ்தான் டெல்லி, சண்டிகர், கார்கில் என பயணித்து பூட்டான், நேபாளம் ஆகிய நாடுகளுக்கு சென்றிருக்கிறார். பயணத்தின் போது எடுக்கப்பட்ட புகைப்படங்களையும் சுரேஷ் சந்திரா பகிர்ந்திருக்கிறார்.

இதையும் படிக்க | பா.ரஞ்சித் உதவி இயக்குநர் மீது 5 பிரிவுகளில் வழக்குப்பதிவு..

Havind ridden across Challenging Terrains and facing extreme weather conditions. Ajith has ridden across every Indian state n has covered Nepal n Bhutan aswell.
Next leg of world tour to begin in Nov 2023#AjithKumarWorldTour#AKWorldRideformutualrespect pic.twitter.com/aeSuBYDGp9

— Suresh Chandra (@SureshChandraa) May 9, 2023

மேலும் இந்த பயணத்தில் நடிகர் அஜித் கடினமான நிலப்பரப்பில் பயணித்ததாகவும், மோசமான காலநிலைகளை எதிர்கொண்டதாகவும் பகிர்ந்திருக்கிறார். இந்தப் பயணத்தில் ஒவ்வொரு இந்திய மாநிலங்களையும் நேபாளம், பூட்டான் போன்ற நாடுகளையும் கடந்ததாக குறிப்பிட்டுள்ள அவர் அடுத்ததாக இந்த ஆண்டு நவம்பரில் நடிகர் அஜித் தனது அடுத்தக்கட்ட பயணத்தை துவங்கவிருப்பதாக அறிவித்திருக்கிறார்.