PS-2 மேடையில் கண்கலங்கிய ஐஸ்வர்யா லட்சுமி... தட்டிக்கொடுத்து தேற்றிய ஜெயம் ரவி

மிகப்பெரும் எதிர்பார்ப்புகளுக்கு இடையே பொன்னியின் செல்வன் 2 நாளை திரையரங்குகளில் வெளியாகிறது. கடந்த சில நாட்களாக பெங்களூர், ஹைதராபாத், கொச்சின், மும்பை என பறந்து பறந்து படத்தை புரமோட் செய்த படக்குழு இறுதியாக சென்னையில் பத்திரிகையாளர்களை சந்தித்தனர்.

அதில் பேசிய ஐஸ்வர்யா லெக்ஷ்மி, ''படப்பிடிப்பில் நான் டென்ஷனாகும் போதெல்லாம் ஜெயம் ரவி அதனை நகைச்சுவையாக மாற்றிவிடுவார். திரிஷாவிடம் நீங்கள் எப்படி இவ்ளோ அழகா இருக்கீங்க என்று கேட்டுக்கொண்டே இருப்பேன்.

இப்படிப்பட்ட ஒரு வாய்ப்பை கொடுத்ததற்கு மணிரத்னம் சாருக்கு நன்றி என்றார். இந்த நிலையில் பேசிக்கொண்டிருக்கும்போதே உணர்ச்சிவசப்பட்டு கண் கலங்கிய அவர் தொடர்ந்து பேச முடியாமல் மேடையில் இருந்து கீழே இறங்கி சென்றுவிட்டார். தொகுப்பாளர் அஞ்சனா அவருக்கு ஆறுதல் கூறினர்.