கௌதம் கார்த்திக்கிடம் பிடிச்சதே இதுதான்... மனம்விட்டு பாராட்டிய சிம்பு!

'சில்லுனு ஒரு காதல்', 'நெடுஞ்சாலை' உள்ளிட்ட படங்களை இயக்கி ஒபிலி கிருஷ்ணா இயக்கத்தில் சிம்பு நடிக்கும் படம் 'பத்து தல'. இதில் பிரியா பவானி சங்கர், கௌதம் கார்த்திக், கலையரசன், கௌதம் வாசுதேவ் மேனன், டீஜே, ஜோ மல்லூரி,  மலையாள நடிகை அனு சித்தாரா, ரெடின் கிங்ஸ்லி ஆகியோர் முக்கிய கதாபாத்திரத்தில் நடிக்கின்றனர்.

வெந்து தணிந்தது காடு படத்தை தொடர்ந்து ஸ்டூடியோ கிரீன் சார்பில்  கே.ஈ.ஞானவேல் ராஜா இந்தப் படத்தை தயாரிக்கிறார். முன்னதாக இந்த திரைப்படம் டிசம்பர் மாதமே வெளியாகும் என்று எதிர்பார்க்கப்பட்டது.  ஆனால், ஒரு சில காரணங்களால் படத்தின் வெளியீடு 3 மாதங்கள் தள்ளி வைக்கப்பட்டது. இதனால் பிப்ரவரி அல்லது மார்ச் மாதம் வெளியாகும் என தகவல் வெளியாகி வந்தது.

இந்நிலையில், தற்போது படத்தின் வெளியீட்டு தேதி அதிகாரபூர்வமாக அறிவிக்கப்பட்டுள்ளது. அதன்படி ‘பத்து தல’  வரும் மார்ச் மாதம் 30-ம் தேதி வெளியாகும் என அறிவிக்கப்பட்டுள்ளது. கடந்த வாரம் படத்தின் இசை வெளியீட்டு விழா சென்னையில் நடைபெற்றது. அதில் பத்து தல படத்தின் ட்ரெய்லரும் வெளியிடப்பட்டது. அதனை தொடர்ந்து படத்தின் புரமோஷன் பணிகளில் படக்குழு ஈடுபட்டு வருகிறது.

அதன் தொடர்ச்சியாக இன்று சென்னையில் பத்து தல படக்குழுவினர் இணைந்து செய்தியாளர்களை சந்தித்து பேசினர். அப்போது பேசிய சிம்பு, கௌதம் கார்த்தியிடம் எனக்கு பிடித்த விசயம் இது தான். ஆக்சன் என்பது சில பேர் பன்னும்போது நாம யோசிப்போம் இவர்லாம் ஏன் ஆக்சன் பன்றார்னு தோனலாம். ஆனா ஒரு ஹீரோ ஆக்சன்ல எல்லாரையும் எண்டர்டெய்ன் பன்றதுன்றது ரொம்ப கஷ்டமான விசயம். அத ரொம்ப சாதாரணமா கௌதம் கார்த்திக் பன்னுவார். அத நான் கூட இருந்து பாத்தேன். உண்மையிலே அவருடைய ஆக்சனை ரசித்தேன் என்று சிம்பு கௌதம் கார்த்திக்கை மனம் திறந்து பாராட்டியுள்ளார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.