இயக்குநர் மனோபாலா மறைவுக்கு காரணம் இதுதான்... மகன் ஹரீஷ் வெளியிட்ட தகவல்..!

உடல்நலக்குறைவால் பாதிக்கப்பட்டு சிகிச்சை பெற்றுவந்த இயக்குநரும் நடிகருமான மனோபாலா உடல் நலக்குறவால் காலமானார். அவரது மறைவுக்கு ரஜினிகாந்த், பாரதிராஜா, இளையராஜா உள்ளிட்ட பிரபலங்கள் இரங்கல் தெரிவித்துவருகின்றனர்.

பிள்ளை நிலா, சிறை பறவை , ரஜினி நடித்த ஊர் காவலன், விஜயகாந்த் நடித்த என் புருசன் தான் எனக்கு மட்டும் தான் போன்ற படங்களை இயக்கியுள்ளார். நடிகராக சுமார் 700க்கும் மேற்பட்ட படங்களில் நடித்திருக்கிறார். சதுரங்க வேட்டை உள்ளிட்ட படங்களை மனோபாலா தயாரித்திருக்கிறார்.

இதையும் படிக்க |  இயக்குநரும் நடிகருமான மனோபாலா மறைவு - அதிர்ச்சியில் திரையுலகம்

அவரது மறைவு ரசிகர்களிடையே பெரும் சோகத்தை ஏற்படுத்தியுள்ளது. இந்த நிலையில் மனோபாலா கடைசியாக தனது ட்விட்டர் பக்கத்தில் பகிர்ந்த போட்டோ சமூக வலைதளங்களில் வைரலாகி வருகிறது. அவரது பதிவுக்கு ரசிகர்கள் இரங்கல் தெரிவித்து வருகின்றனர்.

இந்த நிலையில் அவரது மகன் ஹரிஷ் தனது தந்தையின் மறைவு குறித்து விளக்கம் அளித்துள்ளார். அவர் பேசியதாவது,  “ என் அப்பா நெஞ்சு வலி காரணமாக சிகிச்சை எடுத்து வந்தார். இரண்டு வாரமாக உடல் நலக்குறைவு காரணமாக சிகிச்சை பெற்றார் . பிசியோ சிகிச்சையும் மேற்கொள்ளப்பட்டது.  ஆனாலும் இன்று உயிரிழந்துவிட்டார். நாளை காலை 10 மணிக்கு வளசரவாக்கத்தில் இறுதி சடங்கு நடைபெறும்” என்று குறிப்பிட்டுள்ளார்.