10, 11ம் வகுப்புகளுக்கு நாளை எப்போது ரிசல்ட்...? செக் செய்வது எப்படி...? - முழு விவரம்..!

10 மற்றும் 11ஆம் வகுப்பு பொதுத் தேர்வு முடிவுகள் நாளை வெளியாகிறது. 

11ஆம் வகுப்பு பொதுத்தேர்வை மார்ச் 13 முதல் ஏப்ரல் 5ஆம் தேதி வரை நடந்த  தமிழ்நாடு, புதுச்சேரியைச் சேர்ந்த சுமார் 7 லட்சத்து 70 ஆயிரம் மாணவர்கள் எழுதினர். அதேபோல், ஏப்ரல் 6 முதல் 20ஆம் தேதி வரை நடந்த 10-ம் வகுப்புக்கான பொதுத்தேர்வை சுமார் 9 லட்சத்து 40 ஆயிரம் மாணவர்கள் எழுதினர். தொடர்ந்து, விடைத்தாள்களைத் திருத்தும் பணி, மதிப்பெண் பதிவேற்றம் உள்ளிட்ட இதர பணிகளும் முடிக்கப்பட்டுவிட்டன.

இந்நிலையில், பல்வேறு தரப்பினரின் கோரிக்கைகளை ஏற்று, இவ்விரு தேர்வு முடிவுகளும் ஒரே நாளில், நாளை வெளியிடப்படும் என்று தேர்வுத் துறை அறிவித்தது. அதன்படி, 10, 11ஆம் வகுப்புகளுக்கான பொதுத்தேர்வு முடிவுகள் சென்னை டிபிஐ வளாகத்தில் நாளை வெளியிடப்பட உள்ளன.

10ஆம் வகுப்பு முடிவுகள் காலை 10 மணிக்கும், 11ஆம் வகுப்பு முடிவுகள் மதியம் 2 மணிக்கும் வெளியாகும். இந்த தேர்வு முடிவுகளை இணையதளம் வாயிலாக மாணவர்கள் அறிந்து கொள்ளலாம்.

மேலும் படிக்க... தனியார் பள்ளிகளில் இலவச கல்வி... இன்றே கடைசி நாள்... உடனே விண்ணப்பியுங்கள்..!

இதுதவிர, பள்ளி மாணவர்கள் தாங்கள் படித்த பள்ளிகள் மூலமும், மாவட்ட ஆட்சியர் அலுவலக வளாகத்தில் இயங்கும் தேசிய தகவலியல் மையங்கள் மற்றும் அனைத்து நூலகங்களிலும் கட்டணமின்றி தேர்வு முடிவுகளைப் பார்த்துக் கொள்ளலாம்.

இதுதவிர, பள்ளி மாணவர்கள் மற்றும் தனித் தேர்வர்கள் பதிவு செய்துள்ள செல்போன் எண்ணுக்கு குறுஞ்செய்தி வழியாகவும் தேர்வு முடிவுகள் அனுப்பி வைக்கப்படும்.