Tamil Nadu 11th Result link | 11ம் வகுப்பு தேர்வு முடிவுகள்.. இந்த லிங்கில் தான் செக் செய்ய வேண்டும்..!

10ஆம் வகுப்பிற்கான பொதுத்தேர்வு காலை 10 மணிக்கு வெளியான நிலையில், மதியம் 2 மணிக்கு 11ஆம் வகுப்பு பொதுத்தேர்வின் முடிவுகள் வெளியாகவுள்ளன.

2023ம் கல்வியாண்டிற்கான 11ஆம் வகுப்பு பொதுத்தேர்வு, கடந்த மார்ச் 13ஆம் முதல் ஏப்ரல் 5ஆம் தேதி வரை நடந்தது. இந்த பொதுத்தேர்வை தமிழ்நாடு, புதுச்சேரியைச் சேர்ந்த சுமார் 7 லட்சத்து 70 ஆயிரம் மாணவர்கள் எழுதினர். 11ம் வகுப்புகளுக்கான பொதுத்தேர்வு முடிவுகள் இன்று பகல் 2 மணிக்கு வெளியிடப்பட உள்ளன. மாணவ, மாணவியர் பொதுத்தேர்வு முடிவுகளை www.tnresults.nic.in, www.dge.tn.gov.in ஆகிய இணையதளங்கள் வாயிலாக அறிந்து கொள்ளலாம். மேலும் sms மூலமாகவும் முடிவுகளை அனுப்ப ஏற்பாடு செய்யப்பட்டுள்ளது.

இதுதவிர, பள்ளி மாணவர்கள் தாங்கள் படித்த பள்ளிகளிலும், மாவட்ட ஆட்சியர் அலுவலக வளாகத்தில் இயங்கும் தேசிய தகவலியல் மையங்கள் மற்றும் அனைத்து நூலகங்களிலும் கட்டணமின்றி தேர்வு முடிவுகளைப் பார்த்துக் கொள்ளலாம் என தெரிவிக்கப்பட்டுள்ளது.