10ம் வகுப்பு பொதுத்தேர்வு முடிவுகள்.. சென்னைக்கு எந்த இடம் தெரியுமா?

தமிழகத்தில் 10ஆம் வகுப்பு பொதுத்தேர்வு முடிவுகள் வெளியான நிலையில், சென்னை 29ம் இடத்தை பிடித்துள்ளது. 

தமிழ்நாடு மற்றும் புதுச்சேரியில், கடந்த ஏப்ரல் 6ம் தேதி முதல் ஏப்ரல் 20ஆம் தேதி வரை நடந்த 10ம் வகுப்புக்கான பொதுத்தேர்வை சுமார் 9 லட்சத்து 40 ஆயிரம் மாணவர்கள் எழுதினர். இந்த நிலையில் பொதுத் தேர்வு முடிவுகள் இன்று காலை 10 மணிக்கு வெளியாகின.

91.39 சதவிகிதம் பேர் 10ஆம் வகுப்பு தேர்வில் தேர்ச்சி பெற்றுள்ளனர். மாணவிகள் 4,30,710 பேரும், மாணவர்கள் 4,04,904 பேரும் தேர்ச்சி பெற்றுள்ளனர். மாணவர்களை விட மாணவிகள் 6.50 சதவிகிதம் அதிகமாக தேர்ச்சி பெற்றுள்ளனர். 3718 பள்ளிகளில் 100 சதவிகிதம் தேர்ச்சி பெற்றுள்ளனர்.

இதில் பெரம்பலூர் 97.67 சதவிகிதத்துடன் முதலிடமும்,  சிவகங்கை 97.53 சதவிகிதத்துடன் இரண்டாம் இடம்,  விருதுநகர்  மாவட்டம் 96.22 சதவிகிதத்துடன் மூன்றாம் இடமும் பிடித்துள்ளன. இதன் வரிசையில் சென்னை 89.14 சதவிகிதத்துடன் 29ஆம் இடத்தில் உள்ளது. தலைநகர் சென்னை தேர்ச்சி விகிதத்தில் பின்னடைவை சந்தித்துள்ளது கவனிக்கத் தகுந்ததாக மாறியுள்ளது.