12th Result : 2022-ல் முதல் 3 இடத்தை பிடித்தது இந்த மாவட்டங்கள் தான்!

தமிழகத்தில் கடந்த 2022ஆம் ஆண்டு வெளியான பொதுத்தேர்வு முடிவுகளில் பெரம்பலூர் - 97.95, விருதுநகர் 97.27 , ராமநாதபுரம் - 97.02 என 3 மாவட்டங்களும் முதல் 3 இடங்களை பிடித்தன.

கடந்த  2022-ம் ஆண்டு மொத்தமாக 8,06,277 மாணவ மாணவிகள் தேர்வு எழுதினர். அதில், 100% தேர்ச்சி பெற்ற அரசு பள்ளிகளின் எண்ணிக்கை 246, 100 சதவீதம் தேர்ச்சி பெற்ற அரசு, தனியார் மேல்நிலை பள்ளிகளின் எண்ணிக்கை 2628.

அறிவியல் பிரிவில் 95.51 சதவீதமும், வணிகவியல் பிரிவில் 92.51 சதவீதமும், கலைப்பிரிவில் 85.13 சதவீதமும், இயற்பியலில் 96.47 சதவீதமும், வேதியலில் 97.98 சதவீதமும்,  விலங்கியலில் 98.89 சதவீதமும், கணிதத்தில் 97.29 சதவீதமும், கணினி அறிவியல் 99.39 சதவீதமும் தேர்ச்சி பெற்றனர்.

இதையும் படிங்க :  ப்ளஸ் 2 தேர்வு முடிவுகள் இன்று வெளியீடு

100க்கு 100 பெற்றவர்கள்:

இயற்பியலில் 634 மாணவர்கள், வேதியலில் 1500 மாணவர்களும், உயிர் அறிவியலில் 1541 மாணவர்களும், கணிதத்தில் 1858 மாணவர்களும், தாவரவியலில் 47 மாணவர்களும், விலங்கியலில் 22 மாணவர்களும், கணினி அறிவியல் 3827 மாணவர்களும் நூற்றுக்கு நூறு மதிப்பெண்கள் பெற்றனர்.