ஹோம் /கோயம்புத்தூர் /

கோவை வழியாக இயக்கப்படும் பல்வேறு ரயில்கள் ரத்து.. வழித்தடத்தில் மாற்றம்  - தெற்கு ரயில்வே அறிவிப்பு

கோவை வழியாக இயக்கப்படும் பல்வேறு ரயில்கள் ரத்து.. வழித்தடத்தில் மாற்றம்  - தெற்கு ரயில்வே அறிவிப்பு

ரயில்கள் ரத்து

ரயில்கள் ரத்து

Coimbatore Train Schedule | ரயிவே பாதையில் பொறியியல் பராமரிப்புப் பணிகள் மேற்கொள்ளப்பட இருப்பதால், கோவை வழியாக இயக்கப்படும் பல்வேறு ரயில்கள் ரத்து செய்யப்படுள்ளன. மேலும், வழித்தடத்தில் மாற்றம் செய்யப்பட்டுள்ளன. இது குறித்து ரயில்வே நிர்வாகம் முக்கிய அறிவிப்பை வெளியிட்டுள்ளது.

மேலும் படிக்கவும் ...
  • News18 Tamil
  • 2 minute read
  • Last Updated :
  • Coimbatore, India

கோவை மாவட்டம் வஞ்சிபாளையம்-சோமனூா் மற்றும் சாமல்பட்டி - தாசம்பட்டி, இருகூா்-கோவை இடையே ரயிவே தண்டவாளத்தில் பொறியியல் பராமரிப்புப் பணிகள் மேற்கொள்ளப்படவுள்ளது.

இதனால் கோவை-சேலம், கோவை- மேட்டுப்பாளையம் இடையே ரயில் சேவை முழுவதுமாக ரத்து செய்யப்படுவதாக ரயில்வே நிா்வாகம் தெரிவித்துள்ளது.

இதுகுறித்து தெற்கு ரயில்வே நிா்வாகம் வெளியிட்டுள்ள செய்திக் குறிப்பில், கோவை - சேலம் மெமு ரயில் (எண்: 06802) மற்றும் சேலம் - கோவை மெமு ரயில் (எண்: 06803) ஜனவரி மாதத்தில் திங்கட்கிழமை மற்றும் புதன்கிழமைகள் தவிர மற்ற அனைத்து நாள்களிலும் முற்றிலும் ரத்து செய்யப்படுகிறது.

கோவை-மேட்டுப்பாளையம் மெமு ரயில் (எண்: 06812, 06814), மேட்டுப்பாளையம் - கோவை மெமு ரயில் (எண்: 06813, 06815) ஜனவரி 26ஆம் தேதி முழுவதுமாக ரத்து செய்யப்படுகிறது. சொர்ணூர் - கோவை விரைவு ரயில் (எண்: 06458), கோவை - சொர்ணூர் விரைவு ரயில் (எண்: 06459) ஜனவரி 17 ஆம் தேதி முதல் 30ஆம் தேதி வரை போத்தனூா் - கோவை நிலையம் இடையே பகுதியாக ரத்து செய்யப்படுகிறது. இந்த ரயிலானது, போத்தனூா் - சொர்ணூர் வரை மட்டுமே இயக்கப்படும்.

ஆலப்புழா - தன்பாத் விரைவு ரயில் (எண்: 13352) ஜனவரி 26 மற்றும் 29 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும். போத்தனூரில் இந்த ரயில் நின்று செல்லும். எா்ணாகுளம் -பெங்களூரு விரைவு ரயில் (எண்: 12678) ஜனவரி 26 மற்றும் 29 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும்.

செகந்திராபாத் - கோட்டயம் விரைவு ரயில் (எண்: 07125) ஜனவரி 8 ஆம் தேதி கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும். பிலாஸ்பூா் - எா்ணாகுளம் விரைவு ரயில் (எண்: 22815) ஜனவரி 2, 9 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும். பிலாஸ்பூா் - நெல்லை விரைவு ரயில் (எண்: 22619) ஜனவரி 3, 19 ஆகிய தேதிகளில் கோவை ரயில் நிலையம் செல்லாமல், போத்தனூா், இருகூா் வழித்தடத்தில் இயக்கப்படும்.

உங்கள் ஊர் செய்திகளை வீடியோவாக பெற கிளிக் செய்க

இதேபோன்று கோவை - தன்பாத் இடையே சேலம், ஈரோடு வழித்தடத்தில் வாராந்திர சிறப்பு ரயில் இயக்கப்படுவதாக ரயில்வே நிா்வாகம் சாா்பில் தெரிவிக்கப்பட்டுள்ளது. இந்த தன்பாத் - கோவை வாராந்திர சிறப்பு ரயில் (எண்: 03357) ஜனவரி 29ஆம் தேதி வரை தன்பாத்தில் இருந்து ஞாயிற்றுக்கிழமைகளில் காலை 6 மணிக்குப் புறப்பட்டு, செவ்வாய்க்கிழமை காலை 6 மணிக்கு கோவையை வந்தடையும்.

Must Read : அடேங்கப்பா... ஆச்சரியப்படுத்தும் செஞ்சி கோட்டைக்கு இத்தனை சிறப்புகளா - சுற்றுலா பயணிகளே மிஸ் பண்ணாதீங்க

கோவை - தன்பாத் வாராந்திர சிறப்பு ரயில் (எண்:03358) ஜனவரி 4ஆம் தேதி முதல் பிப்ரவரி 1ஆம் தேதி வரை புதன்கிழமைகளில் இரவு 12.50 மணிக்குப் புறப்பட்டு, வெள்ளிக்கிழமை இரவு 10 மணிக்கு தன்பாத் சென்றடையும். இந்த ரயிலானது, ஈரோடு, சேலம், ஜோலாா்பேட்டை, காட்பாடி, நெல்லூா், ஓங்கோல், விஜயவாடா, ஏழூரு, ராஜமுந்திரி, விசாகப்பட்டினம், சாம்பல்பூா், ரூா்கேலா, ஹாட்டியா மற்றும் ராஞ்சி உள்ளிட்ட நிலையங்களில் நின்று செல்லும் என்று தெரிவிக்கப்பட்டுள்ளது.

First published:

Tags: Coimbatore, Local News, Southern railway, Train