செங்கல்பட்டில் தண்ணீர் குழாயில் உடைப்பு.. சாலையில் பெருக்கெடுத்து ஓடும் தண்ணீரால் வாகன ஓட்டிகள் அவதி!

செங்கல்பட்டு காஞ்சிபுரம் சாலையில் கழிவுநீர் கால்வாய்க்கு மேல் சாலையில் இருபுறமும் பாலம் அமைக்கும் பணி கடந்த 5 மாதத்திற்கும் மேலாக ஆமை வேகத்தில் நடந்து வருகிறது. இந்த சாலையில் இரண்டு பள்ளிகள் சார்பதிவாளர் அலுவலகம் சினிமா தியேட்டர் அமைந்துள்ளது. மிக முக்கியமாக இந்தபாலம் கட்டுமிடத்தை ஒட்டியேதனியார் மருத்துவமனை அமைந்துள்ளது.மேலும் இருபுறமும் நத்தம் மற்றும் ஜேசிகே நகருக்கு செல்லும் குறுக்கு சாலைகள் அமைந்துள்ளது.

இந்த மிக முக்கிய சாலை வழியாக கல்பாக்கம், செங்கல்பட்டு, காஞ்சிபுரம், வேலூர், பெங்களூர் உள்ளிட்ட பகுதிகளுக்கு தனியார் மற்றும் அரசு பேருந்துகள் தொடர்ந்து சென்று வரக்கூடிய இந்த சாலையில் கடந்த 5 மாதத்திற்கும் மேலாக மெத்தன போக்கில் ஆமை வேகத்தில் பணி நடந்துவந்தது. கால்வாய் மூடப்பட்டு சாலையில் பாலம் கட்டி முடிக்கப்பட்டுள்ளது. ஆனால் மீண்டும் தார்சாலை அமைத்துத்தராமல் இருபுறமும் வாகனங்கள் செல்லமுடியாமல் குண்டும் குழியுமாக காணப்படுவதோடு கடந்த ஒரு வாரகாலமாக பூமியில் புதைக்கப்பட்டுள்ள பைப்லைன் உடைப்பு ஏற்பட்டு பூமியில் இருந்து சாலையில் தண்ணீர் பொங்கி சாலையில் ஆறாக ஓடிவருகிறது.

அதனால் சாலையின் இருபுறமும் போக்குவரத்து நெரிசல் ஏற்படுகிறது. இருசக்கர வாகனத்தில் செல்பவர்கள் வாகனத்தை ஓட்டமுடியாமல் தடுமாறி தொடர்ந்து கீழே விழுந்து காயப்பட்டு வருகிறார்கள்.ஆகையால் உடனடியாக பொதுப்பணித்துறை அதிகாரிகள் இந்த சாலையை ஆய்வு மேற்கொண்டு உடனடியாக உடைப்பு ஏற்ப்பட்ட பைப்லைனை சீர் செய்து சாலையில் தண்ணீர் வராமல் தடுத்து குண்டும் குழியுமாக உள்ள தார்சாலையை மீண்டும் புதிய தார்சாலை அமைத்துதரக்கோரி அப்பகுதி மக்கள் மற்றும் வியாபாரிகள், வாகன ஓட்டிகள் ஒட்டுமொத்தமாக கோரிக்கை வைக்கின்றனர்.

உங்கள் ஊர் செய்திகளை வீடியோவாக பெற கிளிக் செய்க