ரயில் நிலைய பெயர்களுக்கு அர்த்தம் இதுதானா? பலருக்கும் தெரியாத தகவல்!

ரயில்வே என்பது இந்தியர்களின் வாழ்வில் ஒரு முக்கிய அங்கம். இந்திய இரயில்வே உலகின் மிகப்பெரிய நீண்ட ரயில் நெட்வொர்க்குகளில் ஒன்றாகும். வடக்கிலிருந்து தெற்கே மற்றும் கிழக்கிலிருந்து மேற்காக, இரயில்வே பயணிகளை அவர்களது இடங்களுக்கு கொண்டு செல்வது மட்டுமல்லாமல், ஒரு முக்கிய சரக்கு கேரியராகவும் செயல்படுகிறது. நீங்கள் ரயில் நிலையங்களுக்கு செல்பவராக இருந்தால் ரயில் நிலையங்களில் எழுதப்பட்டிருக்கும் பெயர்களை சாதாரணமாக கடந்து சென்றிருப்பீர்கள். அதாவது சில ஸ்டேஷன் ஜங்ஷன் என இருக்கும். சில ஸ்டேஷன் செண்ட்ரல் என இருக்கும். இதற்கெல்லாம் என்ன அர்த்தம் தெரியுமா?

ஜங்ஷன்

பல நிலையங்களின் பெயருக்குப் பின்னால் ஜங்ஷன் என எழுதப்பட்டிருப்பதை நீங்கள் பார்த்திருப்பீர்கள். பெரும்பாலும் இது பெரிய ரயில் நிலையத்தின் பெயருக்குப் பின்னால் உள்ளது. அங்கு ரயில்கள் குறைந்தது 3 வெவ்வேறு வழித்தடங்களில் இருந்து ரயில்கள் வருகின்றன.

டெர்மினல் ஸ்டேஷன்

டெர்மினல் அல்லது டெர்மினஸ் ஸ்டேஷன் இடையே எந்த வித்தியாசமும் இல்லை. டெர்மினஸ் அல்லது டெர்மினல் என்ற வார்த்தை ஆங்கில வார்த்தையான டெர்மினேஷன் என்பதிலிருந்து பெறப்பட்டது, அதாவது முடிவுக்கு வருவது. ரயில் பயணம் முடிவடையும் நிலையங்கள் இவை. டெர்மினஸ் அல்லது டெர்மினல் ஸ்டேஷனுக்கு அப்பால் ரயில் பாதை இல்லை என அர்த்தம். அதாவது ரயில் எந்தத் திசையிலிருந்து இங்கு வருகிறதோ, அதே திசையில் திரும்பிச் செல்கிறது.

சென்ட்ரல் ஸ்டேஷன்

ஒரு நிலையத்தின் முடிவில் சென்ட்ரல் என்று எழுதினால், அந்த நகரத்தில் ஒன்றுக்கும் மேற்பட்ட ரயில் நிலையங்கள் உள்ளன என்று அர்த்தம். சென்ட்ரல் என்று எழுதப்பட்ட நிலையம் அந்த நகரத்தின் பழமையான மற்றும் பரபரப்பான ரயில் நிலையம் ஆகும். மும்பை சென்ட்ரல், சென்னை சென்ட்ரல், கான்பூர் சென்ட்ரல் போன்றவை இதற்கு உதாரணம்.

கான்ட் ஸ்டேஷன்

கான்ட் ஸ்டேஷன்கள் இராணுவ பகுதி/கண்டோன்மென்ட் அருகே அமைந்துள்ள அத்தகைய நிலையங்கள். உதாரணமாக, டெல்லி கான்ட், அம்பாலா கான்ட், ஆக்ரா கான்ட் போன்றவை இதற்கு எடுத்துக்காட்டுகள்.