கிரெடிட் கார்டை பயன்படுத்தி UPI பணம் செலுத்தலாம்.. இதோ வழிமுறைகள்!

டிஜிட்டல் பேமெண்ட் முறை பயன்பாட்டிற்கு வந்த பிறகு பண பரிவர்த்தனை செய்யும் ஏராளமான பயனாளர்கள் ஒரு கண்காணிப்புக் குடையின் கீழ் வந்துள்ளனர். குறிப்பாக, யூபிஐ பேமெண்ட் முறை இதற்கு உதவியாக இருக்கிறது. வங்கி அக்கவுண்டுடன் இணைக்கப்பட்ட மொபைல் நம்பர் அல்லது க்யூஆர் கோடு ஸ்கேன் செய்வதன் மூலமாக பண பரிவர்த்தனை செய்ய இயலுகிறது.

காய்கறி வியாபாரி முதல் ஷாப்பிங் மால் வரையிலும் எண்ணற்ற வியாபாரிகளுக்கு நொடிப் பொழுதில் பணம் செலுத்துவதற்கு இது உதவிகரமாக இருக்கிறது. தொடக்க காலத்தில், வங்கி அக்கவுண்ட்களை இணைத்தால் மட்டுமே யூபிஐ பேமெண்ட் செய்ய முடியும் என்ற நிலை இருந்தது. இதையடுத்து கிரெடிட் கார்டு பயன்படுத்தியும் யூபிஐ பரிவர்த்தனை செய்வதற்கான வசதி ஏற்படுத்தப்பட்டது. இதற்கு முதலில் உங்கள் கிரெடிட் கார்டை யூபிஐ ஆப் உடன் இணைக்க வேண்டும்.

UPI பணம் செலுத்துவதற்கு கிரெடிட் கார்டை எவ்வாறு பயன்படுத்துவது?

• உங்கள் Android அல்லது iOS ஸ்மார்ட்போனில் BHIM பயன்பாட்டைப் பதிவிறக்கம் செய்யவும்
• பின்னர் அதன் உள் நுழையவும்
• இப்போது, ​​மேலே உள்ள ‘Bank Accounts’கேட்டகிரியை கிளிக் செய்யவும்.
• பின்னர், கீழ் வலது மூலையில் உள்ள plus buttonஐ கிளிக் செய்யவும்.
• இப்போது, “Credit Card” என்பதைக் கிளிக் செய்யவும்.

உங்கள் கிரெடிட் கார்டு வழங்கும் வங்கியைத் தேர்ந்தெடுக்கவும்.

• குறிப்பிட்ட வங்கியின் தகுதியான கிரெடிட் கார்டுகளை ஆப்ஸ் காண்பிக்கும்.
• தேவையான விவரங்களை உள்ளிடவும், உங்கள் கார்டு சேர்க்கப்படும்.

தற்போது, ​​HDFC Bank, Indian Bank, Punjab National Bank, Union Bankஇந்த வங்கிகளின் கிரெடிட் கார்டுகளை மட்டுமே நீங்கள் சேர்க்க முடியும்

UPI பின் BHIM பயன்பாட்டில் உங்கள் கிரெடிட் கார்டைப் பயன்படுத்த, நீங்கள் 4 இலக்கங்கள் அல்லது 6 இலக்க UPI பின்னை அமைக்க வேண்டும். பயன்பாட்டிலிருந்தே பின்னை அமைக்கலாம் அல்லது மாற்றலாம்.

வணிக கணக்குகள் (Merchant)

நீங்கள் BHIM பயன்பாட்டில் கிரெடிட் கார்டுகளைச் சேர்க்க முடியும் என்றாலும், வணிகர்களின் கட்டணங்களுக்கு மட்டுமே அவற்றைப் பயன்படுத்த முடியும். இதன் பொருள் நீங்கள் வணிகரின் QR குறியீட்டை ஸ்கேன் செய்தால் மட்டுமே உங்கள் கிரெடிட்டைப் பயன்படுத்த முடியும் மற்றும் அது சாதாரண கணக்குகளுடன் வேலை செய்யாது.