2,000 ரூபாய் நோட்டுகளை மாற்றப் போகிறீர்களா? இந்த விஷயங்களை தெரிந்துக் கொள்ளுங்கள்!

மே 23 முதல் வங்கிகளில் ரூ.2,000 நோட்டுகளை மாற்றிக்கொள்ளலாம் என ரிசர்வ் வங்கி கூறியிருப்பது தெரிந்ததே. அதற்கான ஏற்பாடுகளை வங்கிகள் செய்துள்ளன. நீங்கள் உங்களின் 2,000 ரூபாய் நோட்டுகளை மாற்ற வங்கிக்குச் செல்கிறீர்களா? அதற்கு முன் இந்த விஷயங்களை தெரிந்து கொள்ளுங்கள்.

ரிசர்வ் வங்கியின் சுற்றறிக்கையின்படி, ஒரே நேரத்தில் ரூ.20,000 மதிப்புள்ள ரூ.2,000 நோட்டுகளை மட்டுமே வங்கிகளில் மாற்ற முடியும். அதாவது ரூ.20,000 மதிப்புள்ள ரூ.2,000 நோட்டுகளை கொடுத்து அதற்கு பதிலாக ரூ.500, ரூ.200, ரூ.100 நோட்டுகளை பெறலாம். மேலும் ரூ.2,000 நோட்டுகளை ஒரே நாளில் எத்தனை முறை வேண்டுமானாலும் வங்கியில் மாற்ற முடியுமா என்ற சந்தேகம் மக்களிடையே உள்ளது. இதுகுறித்து பொருளாதார விவகாரங்கள் துறை செயலாளர் அஜய் சேத் விளக்கம் அளித்துள்ளார். ஒரு நாளைக்கு எத்தனை முறை வேண்டுமானாலும் ரூ.2,000 நோட்டுகளை மாற்றிக் கொள்ளலாம் என்றார் அவர்.

2,000 ரூபாய் நோட்டுகளை மாற்ற ஏதேனும் அடையாளச் சான்றுகளை சமர்ப்பிக்க வேண்டுமா என்ற சந்தேகமும் மக்களிடையே உள்ளது. இதுகுறித்து பாரத ஸ்டேட் வங்கி இரண்டு நாட்களுக்கு முன்பு தெளிவுபடுத்தியுள்ளது. இருப்பினும், ரூ.2,000 ரூபாய் நோட்டுகளை மாற்றுவதற்கும், டெபாசிட் செய்வதற்கும் அடையாளச் சான்று தேவையில்லை என்று எஸ்பிஐ தெளிவுபடுத்தியுள்ளது. அடையாளச் சான்று கேட்க வேண்டாம் என அனைத்து கிளைகளுக்கும் அறிவுறுத்தப்பட்டுள்ளது.

மே 23 முதல் வங்கிகளில் ரூ.2,000 நோட்டுகளை மாற்றிக்கொள்ளலாம் என ரிசர்வ் வங்கி சுற்றறிக்கையில் தெரிவித்துள்ளது. செப்டம்பர் 30-ம் தேதி வரை மக்கள் தங்களிடம் உள்ள ரூ.2,000 நோட்டுகளை மாற்றிக்கொள்ளலாம் அல்லது டெபாசிட் செய்யலாம். அதாவது ரூ.2,000 நோட்டுகளை மாற்ற நான்கு மாதங்கள் நேரம் கொடுக்கப்பட்டுள்ளது. எந்த வங்கி கிளையிலும் ரூ.2,000 நோட்டுகளை மாற்றிக்கொள்ளலாம்.

வங்கிக் கணக்கில் ரூ.2,000 நோட்டுகளை டெபாசிட் செய்ய வரம்பு இல்லை. KYC பூர்த்தி செய்யப்பட்ட கணக்குகளில் எத்தனை ரூ.2,000 நோட்டுகளை வேண்டுமானாலும் டெபாசிட் செய்யலாம். ஆனால், ரூ.50,000க்கு மேல் டெபாசிட் செய்ய, வங்கிகளில் பான் எண் கட்டாயம் சமர்ப்பிக்க வேண்டும். அந்த விதி ரூ.2,000 கரன்சி நோட்டுகளுக்கும் பொருந்தும். ரூ.50,000 அல்லது அதற்கு மேற்பட்ட மதிப்புள்ள ரூ.2,000 கரன்சி நோட்டுகளை டெபாசிட் செய்ய பான் எண் கட்டாயம்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.