Home » Photo Gallery » lifestyle
News18 Tamil | November 14, 2021, 10:11 IST

முட்டை கீமா ரெசிபி!

முட்டைகளில் வைட்டமின் டி, வைட்டமின் பி 12, கோலின் மற்றும் செலினியம் உள்ளிட்ட ஊட்டச்சத்துக்கள் உள்ளன.

 முட்டைகள் புரதத்தால் நிரம்பியுள்ளன என்பது மறுக்க முடியாத உணமை. இது தசைகளை உருவாக்க உதவும். இது மட்டுமல்ல, முட்டைகளில் வைட்டமின் டி, வைட்டமின் பி 12, கோலின் மற்றும் செலினியம் உள்ளிட்ட ஊட்டச்சத்துக்கள் உள்ளன. கொழுப்பின் அளவை கட்டுப்பாட்டில் வைத்திருக்க முட்டையின் வெள்ளையைப் பயன்படுத்தி பொரியல், பொடிமாஸ்  கீமா என செய்து கொடுக்கலாம்.
1/ 6

முட்டைகள் புரதத்தால் நிரம்பியுள்ளன என்பது மறுக்க முடியாத உணமை. இது தசைகளை உருவாக்க உதவும். இது மட்டுமல்ல, முட்டைகளில் வைட்டமின் டி, வைட்டமின் பி 12, கோலின் மற்றும் செலினியம் உள்ளிட்ட ஊட்டச்சத்துக்கள் உள்ளன. கொழுப்பின் அளவை கட்டுப்பாட்டில் வைத்திருக்க முட்டையின் வெள்ளையைப் பயன்படுத்தி பொரியல், பொடிமாஸ்  கீமா என செய்து கொடுக்கலாம்.

2/ 6

தேவையான பொருள்கள்: முட்டை - 2 ப்ரெஷ் பட்டாணி - 1/2 கப் தக்காளி - 1, மிளகாய் தூள் - 1 மேஜைக்கரண்டி , மல்லித்தூள் - 2, மேஜைக்கரண்டி , மஞ்சள் தூள் - 1/2 தேக்கரண்டி , கரம் மசாலா தூள் - 1 தேக்கரண்டி , உப்பு - தேவையான அளவு , மல்லித்தழை - சிறிது தாளிக்க -, எண்ணெய் - 3 மேஜைக்கரண்டி , பிரிஞ்சி இலை - 1, பட்டை - 1 இன்ச் , கிராம்பு - 2, அன்னாசிப்பூ - 1, பெரிய வெங்காயம் - 1

3/ 6

செய்முறை : ஒரு வாயகன்ற பாத்திரத்தில் முட்டைகள் மூழ்கும் அளவுக்கு தண்ணீர் ஊற்றி அடுப்பில் வைக்கவும். தண்ணீர் கொதிக்க ஆரம்பித்ததும் அடுப்பை சிம்மில் வைத்து மூடி வைக்கவும். 10 நிமிடங்களில் முட்டைகள் வெந்து விடும். வெந்ததும் தோலுரித்து கேரட் துருவும் துருவியில் துருவிக்கொள்ளவும். தக்காளியை மிக்சியில் அரைத்துக்கொள்ளவும்.

4/ 6

அடுப்பில் கடாயை வைத்து எண்ணெய் ஊற்றி சூடானதும் பிரிஞ்சி இலை, பட்டை, கிராம்பு, அன்னாசிப்பூ போடவும். பட்டை பொன்னிறமானதும் வெங்காயம் சேர்த்து வதக்கவும். வெங்காயம் பொன்னிறமானதும் ப்ரெஷ் பட்டாணி சேர்த்து கிளறவும். பட்டாணி வெந்ததும் அரைத்து வைத்துள்ள தக்காளி கலவையை சேர்த்து பச்சை வாடை போகும் வரை கிளறவும்.

5/ 6

பச்சை வாடை போனதும் அடுப்பை சிம்மில் வைத்து மிளகாய் தூள், மல்லித்தூள் மஞ்சள் தூள், கரம் மசாலா தூள், உப்பு சேர்த்து ஒரு நிமிடம் கிளறி அதனுடன் ஒரு கப் தண்ணீர் சேர்த்து கொதிக்க விடவும். மசாலா வாடை போனதும் அதனுடன் துருவி வைத்திருக்கும் முட்டை துருவல், சேர்க்கவும். இறுதியில் மல்லித்தழை சேர்த்து கிளறி கெட்டியானதும் அடுப்பை அணைக்கவும்.

6/ 6

சாதம், பூரி, சப்பாத்திக்கு சுவையான முட்டை கீமா ரெடி.

Published by: Vaijayanthi S
First published: November 14, 2021, 10:11 IST