Home » Photo Gallery » entertainment
News18 Tamil | May 18, 2022, 15:09 IST

மகள்களுக்காக காத்திருக்கிறேன்.. மறுமணத்திற்கு பின் டி.இமான் உருக்கம்!

என்றாவது ஒரு நாள் எனது மகள்கள் வீட்டிற்கு வருவார்கள் என நாங்கள் பொறுமையாக காத்திருக்கிறோம்.

 தனது மகள்களுக்காக தான் காத்திருப்பதாக இசையமைப்பாளர் டி.இமான் உணர்வுப்பூர்வமான பதிவொன்றை வெளியிட்டுள்ளார்.
1/ 10

தனது மகள்களுக்காக தான் காத்திருப்பதாக இசையமைப்பாளர் டி.இமான் உணர்வுப்பூர்வமான பதிவொன்றை வெளியிட்டுள்ளார்.

2/ 10

இசையமைப்பாளர் டி.இமான் தனது முதல் மனைவியை விவாகரத்து செய்ததையடுத்து, சில தினங்களுக்கு முன்பு அமலி உபால்டு என்பவரை இரண்டாவது திருமணம் செய்துக் கொண்டார்.

3/ 10

அந்தத் திருமணத்தில் நெருங்கிய உறவினர்களும் நண்பர்களும் மட்டுமே கலந்துக் கொண்டனர்.

4/ 10

இந்நிலையில் தனது மறுமணம் குறித்து அதிகாரப்பூர்வமாக அறிவித்த இமான், அதில் தனது மகள்கள் குறித்து உருக்கமாகக் குறிப்பிட்டுள்ளார்.

5/ 10

மே 15, 2022 ஞாயிற்றுக்கிழமை அமலி உபால்டுடன் (மறைந்த பப்ளிசிட்டி டிசைனர் திரு. உபால்ட் மற்றும் திருமதி சந்திரா உபால்டின் மகள்) எனது மறுமணம் பற்றிய செய்தியைப் பகிர்வதில் மகிழ்ச்சி.

6/ 10

எனது கடினமான காலங்களில் வலுவான தூணாக இருந்த எனது தந்தை திரு.ஜே.டேவிட் கிருபாகர தாஸ் அவர்களுக்கு நான் எப்போதும் நன்றியுள்ளவனாக இருக்கிறேன். கடந்த சில ஆண்டுகளாக எனக்கும் எனது குடும்பத்தினருக்கும் ஏற்பட்ட அனைத்து பிரச்னைகளுக்கும் இந்த ஏற்பாடு செய்யப்பட்ட திருமணம் ஒரு முக்கிய தீர்வாகவும், மகிழ்ச்சியின் ஆதாரமாகவும் விளங்கும். உண்மையில் மறைந்த என் தாயார் திருமதி.மஞ்சுளா டேவிட்டின் ஆசீர்வாதம் இது.

7/ 10

அற்புதமான நபரான அமலியை அடையச் செய்த எனது குடும்பத்தினர் மற்றும் நலம் விரும்பிகளுக்கு எனது நன்றியைத் தெரிவித்துக் கொள்கிறேன். அமலியின் அன்பு மகள் நேத்ரா இனிமேல் எனது மூன்றாவது மகளாக இருப்பார்! மேலும் நேத்ராவின் தந்தையாக இருப்பது எனக்கு மகிழ்ச்சியையும் அற்புதமான உணர்வையும் தருகிறது.

8/ 10

எங்கள் திருமண நாளில் என் அன்பு மகள்கள் வெரோனிகா மற்றும் பிளெசிகாவை நான் தனிப்பட்ட முறையில் மிஸ் செய்கிறேன்.

9/ 10

என்றாவது ஒரு நாள் எனது மகள்கள் வீட்டிற்கு வருவார்கள் என நாங்கள் பொறுமையாக காத்திருக்கிறோம். நானும், அமலியும், நேத்ராவும் மற்றும் எங்கள் உறவினர்கள் அனைவரும் வெரோனிகா மற்றும் பிளெசிகாவை அதிக அன்புடன் வரவேற்போம்.

10/ 10

நிபந்தனையற்ற மற்றும் விலைமதிப்பற்ற பாசத்தை பகிர்ந்து கொண்ட அமலியின் பெரிய குடும்பத்திற்கு எனது மனமார்ந்த நன்றிகள். இத்தனை வருடங்களாக உறுதுணையாக இருந்த எனது இசை ரசிகர்கள் அனைவருக்கும் நன்றியை தெரிவித்துக் கொள்கிறேன்!

Published by: Shalini C
First published: May 18, 2022, 15:09 IST