PREVNEXT
ஹோம் / நியூஸ் / தமிழ்நாடு /

நெல்லையில் நதிநீர் இணைப்புத் திட்டப்பணிகளை ஆய்வு செய்த சபாநாயகர் அப்பாவு

நெல்லையில் நதிநீர் இணைப்புத் திட்டப்பணிகளை ஆய்வு செய்த சபாநாயகர் அப்பாவு

 நதிநீர் இணைப்புத் திட்டம் வடகிழக்கு பருவமழைக்கு முன்பாக வரும் அக்டோபர் மாதத்திற்குள் முடிக்க திட்டமிடப்பட்டுள்ளது என தெரிவித்தார்.

நதிநீர் இணைப்புத் திட்டம் வடகிழக்கு பருவமழைக்கு முன்பாக வரும் அக்டோபர் மாதத்திற்குள் முடிக்க திட்டமிடப்பட்டுள்ளது என தெரிவித்தார்.

நதிநீர் இணைப்புத் திட்டம் வடகிழக்கு பருவமழைக்கு முன்பாக வரும் அக்டோபர் மாதத்திற்குள் முடிக்க திட்டமிடப்பட்டுள்ளது என தெரிவித்தார்.

நெல்லை மாவட்டத்தில் நடந்து வரும் நதிநீர் இணைப்புத் திட்டப்பணிகளை சபாநாயகர் அப்பாவு ஆய்வு செய்தார். வடகிழக்கு பருவமழைக்கு முன்பாக அக்டோபர் மாதத்திற்குள் பணிகளை முடிக்க நடவடிக்கை எடுக்கப்பட்டு வருவதாக அவர் தெரிவித்துள்ளார் .

நெல்லை மாவட்டத்தில் தாமிரபரணி நதியில் இருந்து வெள்ள காலங்களில் கடலில் வீணாக கலக்கும் தண்ணீரை வறட்சி பகுதிகளான நாங்குநேரி, திசையன்விளை, ராதாபுரம் ,எம்.எல்.தேரி, தூத்துக்குடி மாவட்டம் சாத்தான்குளம் மற்றும் உடன்குடி வரை  1 லட்சம் ஏக்கர் விவசாய நிலம் பயன்பெறும் வகையில்  தாமிரபரணி , நம்பியாறு, கருமேனியாறு ஆகியவற்றை இணைத்து 2009-ம் ஆண்டு 369 கோடி ரூபாய் மதிப்பில் முத்தமிழ் அறிஞர் கலைஞர் முதல்வராக இருந்த போது நதிநீர் இணைப்புத் திட்டத்தை தொடங்கி வைத்தார்.

ஆட்சி மாற்றத்திற்கு பின் கடந்த 10 ஆண்டுகளாக கிடப்பில் போடப்பட்ட இந்த திட்டம் தற்போது முதல்வராக பொறுப்பேற்றுள்ள மு.க.ஸ்டாலின் விரைந்து முடிக்க உத்தரவிட்டுள்ளார் . இதனைத் தொடர்ந்து தமிழக சட்டப்பேரவைத் தலைவர் அப்பாவு திட்டப்பணிகள் நடந்து வரும் கோட்டைக் கருங்குளம், கஸ்தூரிரெங்கபுரம் , மன்னார்புரம், இடையன்குடி, அரசூர் மற்றும் பொன்னாக்குடி நான்குவழிச்சாலை பகுதி ஆகிய பகுதிகளில் பொதுப்பணித்துறை மற்றும் நெடுஞ்சாலைத்துறை அதிகாரிகளுடன் சென்று நேரில் பார்வையிட்டு ஆய்வு செய்தார்.

ALSO READ | 50 ஆண்டுகள் பாழடைந்த பள்ளி கட்டிடம் முற்றிலும் சேதம்... மாணவர்கள் , பெற்றோர்கள் அச்சம்

 அப்போது பணிகள் சுனக்கம் அடைந்துள்ள பகுதிகளில் பணிகளை விரைந்து முடிக்க அதிகாரிகளுக்கு உத்தரவிட்டார் .  பொன்னாக்குடியில் ஆய்வுக்கு பின் செய்தியாளர்களுக்கு பேட்டி அளித்த அவர்  நதிநீர் இணைப்புத் திட்டம்  முத்தமிழ் அறிஞர் கலைஞர் முதல்வராக இருந்த போது கொண்டுவரப்பட்ட திட்டம் . 2011-ம் ஆண்டு இந்த திட்டம் முடிக்க திட்டமிடப்பட்ட நிலையில் ஆட்சி மாற்றம் காரணமா கடந்த 10 ஆண்டுகள் கிடப்பில் போடப்பட்டது. திட்டம் தொடங்கப்பட்ட வெள்ளங்குழியில் இருந்து பொன்னாக்குடி வரை இரண்டு தொகுப்பு பணிகள் முடிந்துவிட்டது.

 

இதற்கு கீ்ழ் உள்ள பகுதிகளில் பணிகள் முடியடையவில்லை. இதனால் இன்று அதிகாரிகளுடன் எம்.எல். தேரி வரை சென்று ஆய்வு செய்துள்ளோம் . பொன்னாக்குடி பகுதியில் திட்டத்தின் குறுக்கே நான்கு வழிச்சாலையில் 20 கோடியில் பாலம் அமைகிறது. இந்த பகுதியில் அதிக அளவில் கருங் கற்கள் இருப்பதால் பணியில் தொய்வு ஏற்பட்டது. தற்போது நான்கு வழிச்சாலையில் மாற்று பாதை அமைக்க உத்தரவிடப்பட்டு இன்றே மாற்றுப்பாதை அமைப்பதற்கான பணிகள் தொடங்கிவிட்டது.

ALSO READ |  பள்ளி கழிவறையை மாணவி சுத்தம் செய்த வீடியோ வைரல்... தலைமை ஆசிரியர் பணியிட மாற்றம்

377

 

இதனைத் அடுத்து பாலம் அமைக்கும் பணிகள் விரைவாக நடைபெறும்  அதுபோன்று செங்குளம் ரெயில்வே பாலம் வேலையும் விரைவில் தொடங்குவதற்கான நடவடிக்கைகள் எடுக்கப்பட்டுள்ளது.  நதிநீர் இணைப்புத் திட்டம் வடகிழக்கு பருவமழைக்கு முன்பாக வரும் அக்டோபர் மாதத்திற்குள் முடிக்க திட்டமிடப்பட்டுள்ளது என தெரிவித்தார் .

Tags:Tirunelveli

சிறந்த கதைகள்