Advertisment

bulletin news

இன்றைய புதுக்கோட்டை மாவட்ட செய்திகள்

August 04, 2021, 09:25 IST
செய்தி - 1

புதுக்கோட்டை: நெகிழ்ச்சி சம்பவம் - வியப்பூட்டும் அரசு மனநல காப்பகத்தின் செயல்பாடுகள்

புதுக்கோட்டையில் செயல்பட்டு வரும் அரசு மனநல காப்பகத்தின் மூலம் மனநோயால் பாதிக்கப்பட்ட 50-க்கும் மேற்பட்டோர் மீட்கப்பட்டு 25- க்கும் மேற்பட்டோர் அவர்களின்  உறவினர்களுடன் ஒப்படைக்கப்பட்டுள்ளனர்.


மனநல காப்பகத்தின் நடைமுறையும், செயல்பாடுகளும்

புதுக்கோட்டை முத்துலட்சுமி ரெட்டி நினைவு அரசு மருத்துவமனை வளாகத்தில் மனநல அவசர சிகிச்சை மற்றும் மீள் மையம் செயல்பட்டு வருகிறது.   இங்கு ஆதரவற்றோர், சாலைகளில் சுற்றித் திரியும் மனநலம் பாதிக்கப்பட்டவர்களுக்கு சிகிச்சை அளிக்கப்பட்டு வருகிறது. மீட்கப்படும் மனநோயாளிகளுக்கு முதலுதவி அளிக்கப்பட்டு அவர்களுக்கு தொடர்ந்து சிகிச்சையும் வழங்கப்படுகிறது. பயனாளிகள் நோயிலிருந்து மீண்ட பிறகு அவர்களின் குடும்பத்தை பற்றி அறிந்து, காவல்துறை, வருவாய் துறை மூலமாக உறவினர்களிடம் சேர்த்து வைக்கப்படுகிறார்கள்.   மனநலம் பாதிக்கப்பட்டு சாலைகளில் சுற்றித் இருப்பவர்களை மீட்க தாலுகா அளவிலான மீட்பு குழு அமைக்கப்பட்டுள்ளது.

இந்த குழுவில் வருவாய்த்துறை, காவல்துறை, நகராட்சி உள்ளாட்சி மாற்றுத்திறனாளிகள் நலத்துறை மற்றும் சுகாதாரத் துறையை சேர்ந்த அலுவலர்கள் குழுவின் உறுப்பினராக செயல்பட்டு வருகின்றனர். இந்தக் குழுவினரால் மீட்கப்பட்டவர்கள் மனநல காப்பகத்திகாக உள்ள 102 வாகனத்தின் மூலம் கொண்டு வரப்படுகிறார்கள்.

மனநோயாளிகள்  காப்பகத்திற்கு கொண்டு வரப்பட்ட உடனே அவர்களுக்கு ரத்தசோகை, எக்ஸ்ரே, ரத்த அழுத்தம், ரத்தப் பரிசோதனை ஆகியவை உடனடியாக செய்யப்படுகின்றன. தொடர்ந்து மனநோய்க்கான சிகிச்சையும், இணை நோய்க்கான சிகிச்சையும் அளிக்கப்படுகிறது.

மனநிலை நோயாளிகளுக்கு ஏற்றார் போல் அவர்கள் தங்குமிடம் மிகத் தூய்மையாக பராமரிக்கப்பட்டு வருகிறது. அவர்களின் மனநிலையை மேம்படுத்த மருத்துவர் மற்றும் செவிலியர்கள் மூலம் விளையாட்டுப் போட்டிகள், தோட்டங்கள் அமைத்தல் மற்றும் அவர்களின் பொழுதுபோக்கிற்காக நூலகம் என பல சிறப்புடைய தன்மையில் அரசு மனநல காப்பகம் செயல்பட்டு வருகிறது. இதற்கெல்லாம் எடுத்துக்காட்டாக   அண்மையில் மனநல காப்பகத்திற்கு வருகை தந்த திருச்சி சரக காவல் துறைத்தலைவர் பாலகிருஷ்ணனிடம் மனநல காப்பகத்தில் சிகிச்சை பெற்றுவரும் பெண்ணொருவர் பாட்டு பாடி அசத்தியது இணையத்தில் வைரலானது.

இதுகுறித்து நம்மிடம் பேசிய மனநல மருத்துவர் கார்த்திக் தெய்வநாயகம், இந்த மனநல காப்பகத்தில் செவிலியர்கள், சமூகப் பணியாளர்கள், மருத்துவமனை பணியாளர்கள் இவர்களின் பங்கு மிக முக்கியமானது என தெரிவித்தார். மனநோயாளிகளுக்கு உடல்ரீதியான பாதிப்புகள் இருந்தால் அரசு மருத்துவக் கல்லூரி மருத்துவமனையில் அனுமதித்து சிகிச்சை அளிப்பதாகவும், உறவினர்கள் இல்லாத நேரத்தில் காப்பக பணியாளர்களே 24 மணி நேரமும் கூடவே இருந்து சேவை செய்து வருகிறார்கள் எனவும் கூறினார். இந்த சேவையை சுகாதாரத்துறை, வருவாய்த்துறை, காவல்துறை என அனைத்து துறைகளும் ஒருங்கிணைந்து இப்பணியில் ஈடுபட்டு வருவதாக தெரிவித்தார்.

மேலும் படிக்க்
Advertisment

More from Other District