Advertisment

bulletin news

கோவை : இன்றைய செய்தி தொகுப்பு, அக்டோபர் 21 

October 21, 2021, 22:28 IST
<b>1. கோவை: ஒருநாள் மழைக்கு ஒரு வாரம் சாலையில் நீர்த்தேக்கம் - சிரமப்படும் மக்கள்</b>

கோவை பீளமேடு, அவினாசி சாலை, நவ இந்தியா சிக்னலுக்கு அடுத்துள்ள சுகுணா திருமண மண்டபத்திற்கு எதிர்ப்புறத்தில், ஒருநாள் பெய்யும் மழையால் ஒரு வாரத்திற்கு சாலை ஓரத்தில் நீர் சூழ்ந்து தேங்கி விடுகிறது. இதனால், சாலையில் நடந்து செல்பவர்களுக்கும் வாகனத்தில் செல்பவர்களுக்கும் சிரமமான நிலை ஏற்படுகிறது என அப்பகுதி மக்களிடையே குற்றச்சாட்டு எழுந்துள்ளது.

இதுகுறித்து அப்பகுதியிலுள்ள லோகேஷ் நம்மிடம், "இப்பகுதியில் மழை பெய்தால் ஒருவாரத்திற்கு மேலாக சாலை ஓரங்களில் நீர் தேங்கி விடுகிறது. இதனால், பொது மக்களால் நடந்து செல்ல முடியவில்லை. மேலும் வாகன ஓட்டிகள் தடுமாறி சென்று விபத்துகள் ஏற்படுகிறது.

அதிகாரிகள் வந்து பார்த்தாலும் இதற்கான நடவடிக்கை எடுக்கப்படும் என்று கூறுகிறார்கள். ஆனால், இன்றுவரை தீர்வு கிடைக்கவில்லை. சாலையில் தேங்கி நிற்கும் நீர் ஓடுவதற்கு கால்வாயும் இல்லை. தானாகவே வெயிலில் நீர் வற்றும் வரை இப்பகுதியில் செல்பவர்களுக்கு சிரமமாக உள்ளது.

சாலை சமமான நிலையில் இல்லாத காரணத்தினால்தான் நீர் தேங்குகிறது. எனவே, இதை சரி செய்வதற்கான நடவடிக்கை எடுத்து சாலையை சமநிலையில் அமைத்துக் கொடுத்தால் உதவியாக இருக்கும்" என்று கேட்டுக் கொண்டார் கோரிக்கையாக.

மேலும் படிக்க்
Advertisment

More from Other District