Home / News / lifestyle /

குழந்தைகளுக்கு பிடித்தமான முட்டை மக்ரோனி...

குழந்தைகளுக்கு பிடித்தமான முட்டை மக்ரோனி...

 முட்டை மக்ரோனி

முட்டை மக்ரோனி

சுவையான மக்ரோனியை முட்டையில் செய்வது எப்படி என்பதை தெரிந்துக் கொள்ளலாம் வாங்க...

குழந்தைகளுக்கு மக்ரோனி என்றால் மிகவும் பிடிக்கும். இன்று முட்டை சேர்த்து சூப்பரான முட்டை மக்ரோனி செய்வது எப்படி என்று பார்க்கலாம்.

தேவையான பொருட்கள்

மக்கரோனி - 200 கிராம்

முட்டை - 2

தக்காளி - 1

மிளகாய் தூள் - ஒரு தேக்கரண்டி

வெங்காயம் - ஒன்று

உப்பு - தேவைக்கு ஏற்ப

வெங்காயத்தாள் - 2

பச்சை மிளகாய் - 2

377

கொத்தமல்லி - சிறிதளவு

மிளகு தூள் - 2 தேக்கரண்டி

இஞ்சி - சிறிதளவு

பூண்டு - 2 பல்

சோம்பு - ஒரு தேக்கரண்டி (பொடிக்கவும்)

பட்டை, இலவங்கம், ஏலக்காய் - தலா 1 (பொடிக்கவும்)

எண்ணெய் - தாளிக்க

செய்முறை

முதலில் பட்டை, இலவங்கம், ஏலக்காயை பொடித்து கொள்ளவும். வெங்காயம், தக்காளி, இஞ்சி, பூண்டு, கொத்தமல்லி, வெங்காயத்தாள் ஆகியவற்றை பொடியாக நறுக்கி வைத்துக் கொள்ளவேண்டும் . பச்சை மிளகாயை துண்டுகளாக நறுக்கிக் கொள்ள வேண்டும்.

ஒரு பாத்திரத்தில் முட்டையை உடைத்து ஊற்றி ஒரு தேக்கரண்டி மிளகாய் தூள், சிறிது உப்பு சேர்த்து நன்றாக அடித்து வைக்க வேண்டும் . வாணலியில் எண்ணெய் ஊற்றி காய்ந்ததும் முட்டையை ஊற்றி நன்கு கிளறி விட்டு உதிரியாக வந்தவுடன் தனியாக கிண்ணத்தில் எடுத்து வைத்துக் கொள்ள வேண்டும் .

மக்ரோனியை ஒரு தேக்கரண்டி எண்ணெய் ஊற்றி பதமாக வேக வைத்து இறக்கவேண்டும். வெந்த பின் குளிர்ந்த நீர் விட்டு அலசி தண்ணீரை வடித்து விட்டு ஒரு தட்டில் கொட்டி வைக்கவும். அப்போது தான் ஒன்றுடன் ஒன்று ஒட்டாது.

அதன் பின்னர் வாணலியில் எண்ணெய் விட்டு பொடித்த ஏலக்காய், பட்டை, இலவங்கம், சோம்பு சேர்த்து பொரிய விடவேண்டும். பொரிந்த பின் வெங்காயம், பொடியாக நறுக்கிய இஞ்சி, பூண்டு, பச்சைமிளகாயை சேர்த்து வதக்கவும். வெங்காயம் நன்றாக வதங்கியதும் தக்காளி, வெங்காயத்தாள் சேர்த்து வதக்கவும்.

அனைத்து நன்றாக வதங்கியதும் தண்ணீர், மிளகாய் தூள்,மிளகு தூள், உப்பு சேர்த்து நன்கு கொதிக்க வைக்கவும். நன்கு கொதித்து காய்கள் வெந்ததும் மக்ரோனி சேர்த்து கிளறவும். தண்ணீர் முற்றிலுமாக சுண்டியதும் முட்டை கலவை சேர்த்து அத்துடன் கொத்தமல்லியையும் சேர்த்து பரிமாறவும். சுவையான முட்டை மக்ரோனி ரெடி.

மேலும் படிக்க... வீட்டிலேயே வெண்ணிலா கப் கேக் செய்ய ரெசிபி!

Tags:Egg, Egg recipes, Food