Home / News / entertainment /

கூடிய விரைவில் முடிவுக்கு வரும் விஜய் டிவி சீரியல்?

கூடிய விரைவில் முடிவுக்கு வரும் விஜய் டிவி சீரியல்?

விஜய் டிவி சீரியல்

விஜய் டிவி சீரியல்

இந்த சீரியல் சமீப காலமாக ரசிகர்களுக்கு சலிப்பை ஏற்படுத்தியுள்ளது.

விஜய் டிவியில்  ஒளிப்பரப்பாகி வரும்  பாரதி கண்ணம்மா சீரியல் கூடிய விரைவில் முடியவுள்ளதா? என்ற சந்தேகம் ரசிகர்களுக்கு எழுந்துள்ளது.

விஜய் டிவி-யில் ஒளிபரப்பாகி வரும் பல ஹிட் சீரியல்களில் ஒன்றுதான் பாரதி கண்ணம்மா. இந்த சீரியல் ஒளிபரப்பான காலம் முதல் ரசிகர்கள் பட்டாளம் அதிகரித்த வண்ணம் தான் இருந்தது. இடையில், இந்த சீரியலின் முக்கிய கதாபாத்திரமான கண்ணம்மா மாற்றப்பட்ட நிலையிலும், இந்த சீரியலுக்கான மவுசு குறையவில்லை. பாரதி கண்ணம்மா சீரியல் மூலம் மக்களிடையே மிகவும் பிரபலமானவர் ரோஷினி. இவர் சீரியலில் இருந்து விலகிய பிறகு இவரை போலவே இருக்கும் வினுஷா தேவியை புதிய கண்ணம்மாவாக களமிறங்கியது சீரியல் குழு. இருப்பினும் இந்த சீரியல் சமீப காலமாக ரசிகர்களுக்கு சலிப்பை ஏற்படுத்தியுள்ளது.

வீட்டை விட்டு வெளியேறும் பாக்கியா.. கதறி அழும் இனியா!

ரசிகர்கள் பாரதி கண்ணம்மா தொடரை விரைவில் முடிக்கும்படி தொடர்ந்து சமூகவலைத்தளங்களில் பதிவு செய்து வருகின்றனர். ஒரு டி.என்.ஏ டெஸ்ட் எடுத்தால் முடிய வேண்டிய சீரியலை கிட்டத்தட்ட 5 ஆண்டுகள் கடத்தி விட்டார் இயக்குனர். அரைத்த ,மாவையே அரைப்பதால் ரசிகர்கள் சீரியலை உடனே முடித்தால் நன்றாக இருக்கும் என கூறுகின்றனர். இந்நிலையில் பாரதி கண்ணம்மா தொடரில் திடீர் மாற்றமாக சீரியலின் திரைக்கதை வேகமாக செல்கிறது.

மகனுடன் முதல் புகைப்படம்.. மகிழ்ச்சியில் ரோஜா சீரியல் அர்ஜூன்!

ஒருபக்கம் பாரதி பற்றிய உண்மை லட்சுமிக்கு தெரிந்து விட்டது. லட்சுமிக்கு எல்லா விஷயமும் தெரியும் என்பது பாரதிக்கு தெரிந்து விட்டது. இது ஒருபுறம் இருக்க ஹேமா பற்றிய உண்மையும் பாரதிக்கு தெரிந்து விட்டது. அதே போல் நேற்றைய எபிசோடில் ஹேமாவுக்கு பாரதி - கண்ணம்மா பற்றிய உண்மையும் தெரிந்து விட்டது. பாரதி டி.என்.ஏ டெஸ்ட் எடுத்தால் போதும் மொத்த பிரச்சனைக்கும் முடிவு தெரிந்து விடும். வெண்பாவுக்கு ஒருபக்கம் கல்யாண ஏற்பாடு தீவிரமாக நடந்து வருகிறது.

இதனால் சீரியலை பார்க்கும் ரசிகர்களுக்கு பாரதி கண்ணம்மா தொடர் முடிய போகிறதா? என சந்தேகம் எழுந்துள்ளது. ஆனால் இதுக் குறித்து எந்த ஒரு அதிகாரப்பூர்வ அறிவிப்பும் வெளியாகவில்லை.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

Tags:Bharathi Kannama, TV Serial, Vijay tv