Home / News / entertainment /

பாலா, பாரதிராஜாவை முந்திக்கொண்டு குற்றப்பரம்பரையை எடுக்கும் சசிகுமார்

பாலா, பாரதிராஜாவை முந்திக்கொண்டு குற்றப்பரம்பரையை எடுக்கும் சசிகுமார்

சசிகுமார்

சசிகுமார்

Kutraparambarai | குற்றப்பரம்பரை எடுப்பதற்கு பாரதிராஜாவும், பாலாவும் முயற்சி செய்தனர். யார் முந்திக் கொள்வது என்பதில் இருவருக்கும் இடையில் தகராறு எழுந்தது. அதன் பிறகு என்ன காரணத்தினாலோ இருவருமே அந்தக் கதையை எடுக்கவில்லை.

குற்றப்பரம்பரையினர் குறித்த கதையை படமாக்கப் போவதாக பாரதிராஜாவும், பாலாவும் கூறிக் கொண்டிருந்தனர். இருவருக்குமிடையில் இதுகுறித்து பிரச்சனையும் எழுந்தது. ஆனால் அந்த இருவரும் குற்றப்பரம்பரையை பிறகு கைவிட்டனர். இந்நிலையில் குற்றப்பரம்பரை கதையை சசிக்குமார் படமாக்குகிறார் என தகவல் வெளியாகியுள்ளது.

ஆங்கிலேயர் ஆட்சி காலத்தில் திருட்டைத் தொழிலாகக் கொண்டவர்கள் என்று சில சமூகங்களை அடையாளப்படுத்தி அவர்கள் எங்கு சென்றாலும் காவல்நிலையத்தில் கையெழுத்திட்டு செல்லவேண்டும் என்று கெடுபிடி காட்டி வந்தார்கள். அவர்கள் குற்றப்பரம்பரையினர் என்று அழைக்கப்பட்டனர். இப்படி சமூகமாக பெரும் மக்கள் திரளை கிரிமினல்களாக சித்தரிக்கும் போக்கை எதிர்த்து மிகப் பெரிய போராட்டங்கள் நடத்தப்பட்டன.  உயிர்த் தியாகங்கள் செய்யப்பட்டன. அதனையே குற்றப்பரம்பரை என்ற பெயரில் எடுப்பதற்கு பாரதிராஜாவும், பாலாவும் முயற்சி செய்தனர். யார் முந்திக் கொள்வது என்பதில் இருவருக்கும் இடையில் தகராறு எழுந்தது. அதன் பிறகு என்ன காரணத்தினாலோ இருவருமே அந்தக் கதையை எடுக்கவில்லை.

இப்படி ஒரு சூழலில் சசிகுமார் குற்றப்பரம்பரை கதையை இயக்குவதாக தகவல் வெளியாகி உள்ளது. வெப் தொடராக இதனை அவர் எடுக்க இருக்கிறாராம். ஒளிப்பதிவாளர் வேல்ராஜ் இதனை தயாரிப்பதாகவும், சத்யராஜ், தெலுங்கு நடிகர் ராணா டகுபதி, இந்தியின் பிரபல இயக்குனர் அனுராக் காஷ்யப் உள்பட ஏராளமானோர் இதில் நடிக்க இருப்பதாகவும் உள்வட்ட தகவல்கள் தெரிவிக்கின்றன. ஆனால், இதுகுறித்து சம்பந்தப்பட்டவர்கள் இன்னும் எந்த அறிவிப்பையும் வெளியிடவில்லை. விரைவில் அவர்களிடமிருந்து குற்றப்பரம்பரை குறித்த தகவல் வெளியாகலாம் என எதிர்பார்க்கப்படுகிறது.

Also read... மன்மதலீலையில் வெங்கட்பிரபு போடும் 'A' தூண்டில்

சுப்பிரமணியபுரம் படத்தை இயக்கி சினிமாவில் அறிமுகமான சசிகுமார் அடுத்து ஈசன் திரைப்படத்தை 2010ல் இயக்கினார். அதன்பிறகு அவர் எந்தப் படத்தையும் இயக்கவில்லை. நடிப்பில் கவனம் செலுத்த ஆரம்பித்து தற்போது பிஸியாக நடித்து வருகிறார். அவர் சுமார் பன்னிரண்டு வருடங்களுக்குப் பிறகு இப்போது இயக்கத்தை திரும்பி இருக்கிறார் என்பது முக்கியமானது.

Tags:Director bala, Director bharathiraja, Director sasikumar