டிஸ்னி+ ஹாட் ஸ்டாரில் வெளியாகும் சிவகுமாரின் சபதம்...!

சத்யஜோதி பிலிம்ஸ் தயாரிப்பில் ஹிப் ஹாப் ஆதி எழுதி, இயக்கி, நடித்து, இசையமைத்த சிவகுமாரின் சபதம் படத்தின் ஓடிடி உரிமையை டிஸ்னி+ ஹாட் ஸ்டார் வாங்கியுள்ளது.

புதுப்படங்களை நேரடியாக வெளியிடுவதில் மட்டுமின்றி, திரையரங்குகளில் வெளியான படங்களை வாங்கி வெளியிடவும் ஓடிடி நிறுவனங்கள் ஆர்வம் காட்டுகின்றன. விஷாலின் ஓடாத ஆக்ஷன் படத்தையும் ஒரு ஓடிடி வாங்கி வெளியிட்டுள்ளது. ஹிப் ஹாப் ஆதியின் சிவகுமாரின் சபதம் படத்தையும் டிஸ்னி + ஹாட் ஸ்டார் வாங்கியுள்ளது.

ஹிப் ஹாப் ஆதியை வைத்து அன்பறிவு படத்தை தயாரித்து வந்த சத்யஜோதி பிலிம்ஸ், அந்தப் படத்துடன் சேர்த்து சிவகுமாரின் சபதம் படத்தையும் தயாரித்தது. அன்பறிவு படத்தில் ஹிப் ஹாப் ஆதி நடிப்பு, இசையுடன் நிறுத்திக் கொண்டார். சிவகுமாரின் சபதத்தில் அவர்தான் ஆல் இன் ஆல். எழுத்து முதல் இயக்கம்வரை எல்லாம் அவரே. கொரோனா இரண்டாம் அலைக்குப் பின் திரையரங்கில் துணிச்சலாக வெளியான படங்களில் சிவகுமாரின் சபதமும் ஒன்று. படத்தின் கதையும், காட்சிகளும் சுமார் என்பதால் படம் ஓடவில்லை. தற்போது டிஸ்னி + ஹாட் ஸ்டாருக்கு படத்தை தள்ளிவிட்டிருக்கிறார்கள். டிசம்பர் 3 ஆம் தேதி டிஸ்னி + ஹாட் ஸ்டார் படத்தை வெளியிடுகிறது.

தொடர்புடைய செய்திகள்

ஹிப் ஹாப் ஆதியின் அடுத்த படம் அறிவிப்பு…

இந்த வாரம் தமிழில் வெளியான படங்கள்.. எப்படி இருக்கு?

தெலுங்கு ஏஜென்ட் படத்துக்கு இசையமைக்கும் ஹிப் ஹாப் தமிழா...?

ஹிப்ஹாப் ஆதி யூ டியூப் சேனலை ஹேக் செய்த மர்ம நபர்கள்!

சத்யஜோதி பிலிம்ஸ் இவ்விரு படங்களுடன் மூன்றாவது ஒரு படத்தையும் ஹிப் ஹாப் ஆதியை வைத்து தயாரிக்கிறது. தனுஷின் மாறன் படமும் இவர்கள் தயாரிப்பே. மாறனை நேரடியாக ஓடிடியில் வெளியிட சத்யஜோதி பிலிம்ஸ் திட்டமிட்டுள்ளதாக கூறப்படுகிறது.